Бишкекте "батирге кирип, күч колдонуу менен тоногон" деп шектелген жаран кармалды

Бишкек шаарында "батирге кирип, күч колдонуу менен тоногон" деп шектелген жаран кармалды. Бул тууралуу бүгүн, 26-январда Бишкек ШИИББинен билдиришти. Маалыматка ылайык, милицияга арыз менен 31 жаштагы М.Гүлназ аттуу шаардын тургуну кайрылган. Анда ал 17-январь күнү эртең мененки саат 06:00 чамасында белгисиз жаран анын батирине кирип, күч колдонуп, коркутуу жолу менен 17 миң сомдук буюмдарын алып кеткенин айткан. Бул факты боюнча КРнын Кылмыш-жаза кодексинин 167-беренеси (тоноо) боюнча кылмыш иши козголгон. Жүргүзүлгөн иликтөө иштеринин алкагында кылмышка шектүү катары 24 жаштагы К.Нуржан аттуу шаардын тургуну кармалды. Учурда ал убактылуу кармоочу жайга жайгаштырылып, иликтөө иштери жүрүүдө.

Автор: Мальвина Уметбекова