Бишкекте 725 миң сомдук зер буюмдарды алып, изин суутуп кеткен жаран боюнча иликтөө иштери жүрүүдө

Бишкек шаарында жалпы суммасы 725 миң сомду түзгөн зер буюмдарды алып, изин суутуп кеткен жаран боюнча иликтөө иштери жүрүүдө. Бул тууралуу бүгүн, 28-январда Бишкек шаардык ички иштер башкы башкармалыгынан билдиришти. Маалыматка ылайык, милицияга арыз менен Аламүдүн районунун С.Э. аттуу тургуну кайрылган. Анда өткөн жылдын апрель айында чала таанышы андан ири суммадагы зер буюмдарын алып, изин суутуп кеткенин айткан. Учурда бул иш боюнча материалдар чогултулуп, тергөө амалдары жүрүүдө.

Автор: Мальвина Уметбекова