Жыл башынан бери Бишкекте 51 өрт кырсыгы катталып, 2,3 миллион сом зыян келтирилген

2015-жылдын башталышы менен борбор калаада 51 өрт кырсыгы катталган. Бул тууралуу бүгүн, 29-январда Бишкек шаардык өрткө каршы мамлекеттик кызмат башкармалыгынын башчысы, полковник Зарылбек Алжанов билдирди.

Анын айтымында, өрт кырсыктарынын кесепетинен 2,3 миллион сом чыгым келтирилген. "Көпчүлүк өрттүн келип чыгуусуна адамдардын кайдыгер мамилеси жана мештердин, морлордун туура эмес түзүлүшү себеп болууда. Ошондой эле 8,9 миллион сомдук материалдык баалуулуктар сакталып калган",- деди Алжанов.

Автор: Нургазы Аматов
Фото: Интернеттен алынган