Чыныбай Турсунбеков: "Биздин фракциядагы жаш депутаттар уктаганды жакшы көрүшөт"

Жогорку Кеңештеги КСДП фракциясынын төрагасы Чыныбай Турсунбеков бүгүн, 8-февралдагы фракция жыйынында депутаттарды жыйындарга катышуу тартибин сактоого чакырды. Анын айтымында, жыйынга жаш депутаттар кечигип келишет. “Көбүнчө биздин жаш депутаттар уктаганды жакшы көрүшөт, ошондуктан жыйындарга кечигип калышат”,- деди ал. Ал эми депутат Эркин Сакебаев фракциялык жыйынга такай катышып жүргөн депутаттар гана келе турганын айтып, “баарыбыз бирдей болушубуз керек, кесиптештеримдин саясий намысы ойгонушу керек" деди.

Автор: Гүлмайрам Сабырбекова