Бишкекте Маданият министрлигинин 2014-жылдын жыйынтыгын чыгарган коллегиясы өтүүдө

Бүгүн, 5-февралда Токтогул Сатылганов атындагы Улуттук филармонияда КРнын Маданият, маалымат жана туризм министрлигинин 2014-жылдын жыйынтыгын чыгарган коллегиясы өтүүдө. Иш-чарага КРнын Вице-премьер-министри Дамира Ниязалиева, КРнын Маданият, маалымат жана туризм министри Алтынбек Максүтов, маданият жаатында иш алып барган кызматкерлер катышууда.

2014-жылы маданият жаатында аткарылган иш-чаралар:

- Материалдык маданий мурастарды сактоонун эӊ жогорку формасы – эстеликтин ЮНЕСКОнун "Бүткүл дүйнөлүк мурас" статусуна ээ болушу.

- ЮНЕСКОнун Адамзат маданиятынын материалдык эмес маданий мурастарынын тизмесине Казакстан менен биргеликте “Кыргыз жана казак боз үйүн жасоонун салттуу билими жана даярдоо ыкмалары” аталышындагы билдирме кирди.

- "Түрксой" уюмунун демилгеси менен 2014-жыл түрк мамлекеттеринде Токтогул Сатылгановдун жылы деп жарыяланып, залкар инсандын элесин түбөлүккө калтыруу максатында жана анын чыгармачылыгын жайылтуу максатында иш-чаралар өттү.

- КРнын этностор аралык мамилелерди бекемдөө максатында Баткен облусунда “Алтын” өрөөн аттуу достук фестивалы уюштурулду.

- 9-14-сентябрь күндөрү Кыргызстанда Бүткүл дүйнөлүк көчмөндөр оюндары өттү.

- Бишкектеги Улуттук китепкананын 80 жылдыгы белгиленип, иш-чара эл аралык деӊгээлде өттү.

- Музей ишин жөнгө салуучу мыйзамдын жаӊы редакциясы иштелип чыгып, анда ушул тармактагы көйгөйлөрдү мыйзам чегинде чечүү каралган.

- Кыргыз мамлекеттик цирки 2014-жылы 2 миллиондон ашуун көрүүчүлөрдү тейлеп, 1600дөн ашуун оюн көрсөтүшкөн.

- 2014-жылы Кыргызстандын эгемен тарыхында биринчи жолу “Курманжан датка” толук метраждуу көркөм тасма тартылды.

- Өлкө боюнча 6 жаӊы Кино үйү ишке берилип, мамлекеттик каттоодон өткөрүлдү.

- Республикадагы театрлар тарабынан 1841 спектакль коюлган. Алардын ичинен 45и жаӊы постановкалар.

- Бишкек шаарында балет фестивалы, Ош жана Баткен шаарларында 6-республикалык театр фестивалы өткөрүлдү.

Автор: Динара Абдыкадырова
Фото: Динара Абдыкадырова

11:27 05-02-2015

Жазылуу

РУБРИКАДАГЫ СОҢКУ КАБАРЛАР

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 225 0

19:14 2025-05-10 | Түркүн дүйнө

Трмап Индия менен Пакистан ок атышууларын токтотконун жарыялады 610 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 630 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 381 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 1436 0

17:01 2025-05-10 | Коом жана турмуш

Кыргызстандын Улуттук гвардиясы Минсктеги парадга да катышты (видео) 820 0

Архив

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.