КОРРУПЦИЯГА ШЕКТЕЛГЕН КАРГАНБЕК САМАКОВГО ИНТЕРНЕТ КОЛДОНУУГА ДА ТЫЮУ САЛЫНДЫ

15-майда Жогорку Кеӊештин депутаты Карганбек Самаков коррупция беренеси боюнча шектелип, камакка алынды. Башкы прокуратуранын маалыматына таянсак, кылмыш иши 14-майда козголуп, Самаков Чүй облусунун Кара-Жыгач, Байтик жана Лебединовка айыл аймактарындагы 262 гектар жер тилкесин мыйзамсыз трансформациялоо (айдоо аянттарын үй салууга боло турган категорияга которуу) кылмышына айыпталган. Бул жер тилкелерин сатуудан депутат 8 миллион доллар пайда көргөнү да айтылууда.
Камалгандан аз өтпөй УКМКнын алдына депутаттын тарапташтары чогулушуп, колдоо көрсөтүү үчүн келишкенин билдиришти. Эртеси Самаковдун тарапташтары Башкы прокуратуранын алдына чогулуп, митинг өткөрүштү. Бул арада депутаттын уулу Кубанычбек Самаков айрым маалымат булактарына «Башкы прокуратурада иштеген жогорку кызмат адамынын акча талап кылуусу боюнча көрсөтмөӊдү өзгөртпөсөӊ, атаӊа же жакын туугандарыӊа карата башкача чараларды көрөбүз» деген чалуулар болгонун айтты. Эске салсак, март айында Башкы прокуратуранын тергөө башкармалыгынын жетекчиси Кылычбек Арпачиев 100 миӊ доллар пара алып жаткан жеринен кармалган. Анда жеке ишкер прокуратуранын кызматкери кылмыш ишин токтотуу үчүн
200 миӊ доллар талап кылып жатканын айтып УКМКга кайрылып, пара бермекчи болгон ишкер Карганбек Самаковдун уулу Кубанычбек Самаков экендиги маалымдалган болчу.
17-май күнү Октябрь райондук соту Карганбек Самаковду 2 айга үй камагына чыгарды. Ага Бишкек шаарынын Октябрь районунан чыгууга, чоочун адамдар менен сүйлөшүүгө, почта, интернет жана телефон аркылуу байланышууга, митинг жана маалымат жыйындарын өткөрүүгө, жашаган жеринен саат 20:00дөн 08:00гө чейин чыгууга тыюу салынды.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (15)

Sake80

2015-05-25 17:36:55

Куноосу жок болсо эч нерсе кылалбайт эле.Жеген да жеп алып кайра догурунушат экенда

volt

2015-05-25 20:59:44

Самаковду сыйлачу элем. Бир чети,чын чынына келсек,чиновникпи,депутатыбы,кимисине болсо да жакпай калса,оной олтон эле иш козгоп койсо болот,себеби,миллиондогон акчалар таза жол,адал эмгек м.н Кырг.да табылбайт.

Kroxa

2015-05-25 23:56:42

Анан Ушинтип жатса чиновниктер качан Кыргызстан онолот????

emil76kg

2015-05-26 00:33:06

Тигил дуйнонун сурагынан коркуш керек,жегендин да чеги болуш керек

Erniet

2015-05-26 01:40:19

Адамдар кичине башынарды иштетсенер прокуратура кимди паракор дер кармаса ошону жегич дейсинер бардык Адам жегич баары паракор ошондуктан Кыргызстан онукпойт бийликте отурган сенин тууганын да паракор демек прокуратура парага каршы курошкон инспекция да паракор бул нерсенин баары саясаттын сасыган балчыгы жана бузукулардын булганыч оюну

Alfiya

2015-05-26 04:09:00

Мен бул адамды сыйлайм, жесе да жакшы иштерди жасап жаткан, а жеп алып былтыйып отургандар канча дагы жесем экен деп.

chabarman

2015-05-26 09:11:13

"Мал аласы сыртында, адам аласы ичинде"-деген создо чындык бар экен. Мен Карганбек акени таза адам деп журупмун. Демек адашкам. Кыргызда мындай соз бар го "Ууру тойгуча жейт, олгучо карганат"-деген.

bikusim

2015-05-26 10:46:52

Бул адамды паракор деп эсептебейм. Бийликтегилер жакшы иш жасап, элге корунуп баштаганда эле буттан алышатго.

Lenin

2015-05-27 16:41:50

bikusim,
Сузоончок "теке" сузгулоп жатат, ушу бир нерсени корот.

Medina87

2015-05-26 11:00:38

Ак ийилет бирок сынбайт эмеспи. Жыйынтыгын кутолу ар кимибиз ар нерсени божомолдобой. Негизи мен да бул киши тууралуу оюм жакшы болчу.

KGPRESIDENT

2015-05-26 18:09:35

Ак ийилет, бирок сынбайт.

Taalaibek

2015-05-28 14:50:07

Менимче жалаа окшойт.

aytunuk

2015-05-28 15:36:40

Бул жон гана жалаа деп ойлойм адамда пейил бузулду

Bakyt.shutov

2015-05-31 07:47:13

Қр закону качан?кайсыл убакта?кимдерге иштейт?шайлоо алдында.бир депутат жакшы иштерди жасап жаткан жана Копчулук учурда карапайым калкка!

aizbek

2015-05-31 08:34:02

ууру кучтуу болсо ээсин доого жыгат болуп атат,ойлонбой туруп камаш керек антпесе качып кетишет дагы

Комментарий калтыруу үчүн өз ысымыңыз менен кириңиз же каттоодон өтүңүз.

№ 655, 22-май-28-май, 2015-ж