6 айлык наристенин энеси: "БАЛАМДЫН ЖҮРӨГҮНӨ ОПЕРАЦИЯ ЖАСАТУУГА КАРАЖАТЫМ ЖОК БОЛУУДА"

Байэлдин жарык дүйнөгө келгенине болгону 6 ай болду. Бирок ал наристе болгонуна карабай жашоо үчүн күрөшүүдө. Анын жүрөгүндөгү эки клапаны өспөй калып, дем алдыруучу аппараттардын жардамы менен жашап келүүдө. Уулунун оорусу тууралуу апасы Таалайкүл Дүйшөнкул кызы айтып берди:

– Беш баланын энесимин. Караколдо батирде жашайбыз, жолдошум болсо эл катары Орусияда курулуш иштеринде иштеп жүрөт. Балам Байэл 3 айлык боюмда кезинде сасык тумоо катуу кармап, бир ай ооругам. Ошонун кесепети уулума тийиптир.
2016-жылдын сентябрь айында Караколдогу төрөт үйүнөн Байэл жарык дүйнөгө келген. Ошондо эле врачтар "уулуң тубаса жүрөк оорулуу" дешкен. Эгер бир жашка чыкканга чейин көп ыйлатпай жакшы карасам айыгып кетиши мүмкүн экен. Бирок уулум бир айлык болуп калган кезинде эле денеси көгөрүп, эмчек эме албай, деми кыстыгып ооруй баштады. Биз Караколдогу дарыгерлерге көрсөтсөк, алар "Бишкекке алып барып көрсөтүп көргүлө" дешкен. Бишкекке алып келип дарыгерлерге текшертсек, баламдын жүрөгүнүн бир клапаны өспөй калганын айтышты. Дарыгерлер "азыр бала кичинекей, 6 айлык болгондо жүрөгүнө жасалма клапан салабыз. Февраль айында алып келгиле, операция жасайбыз" дешкен. Жакында келип кайра текшертсек, бир эмес, жүрөгүнүн эки клапаны тең өспөй калыптыр. Дарыгерлер "баланын абалы оор, тезинен клапан салышыбыз керек. 4-мартта боло турган операцияга даярдай бергиле" дешти. Кечээ врач "операция жасатканга каражатыңар жетеби? Чоң суммадагы акча керек" деп эскертти. Угушума караганда, бир клапанды 1300 долларга сатып алса болот экен. Биз болсо экини сатып алышыбыз керек. Бирок аларды сатып алууга каражатыбыз жетпейт, мен кайрымдуу адамдар жардам берет деген ишеничтемин.

Айсалкын Качкынбекова
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (21)

dinarakg

2017-02-22 14:54:26

дарт берген кудай дабасын да берсин менин балам да журогундо эки тешиги менен жашап жатат аллахым шыпаасын берсин

Meerim1807

2017-02-22 16:17:25

Аллах шыфаасын берсин!

ainura220888

2017-02-22 17:16:59

Мен бир нерсеге тан каламда акча жок каражат жетишбейт деп жазышат анан кийген кийимдери тагынган алтындары жасаткан маникюрларын кайсы акчага жасатат. Алла шыпаасын берсин бирок мен коп нерсени озумо ыраа коро албайм бир проблемам болсо. Маникюрга эле эгер шеллак болсо минимум 500с ар эки жумада кетет бир жылда 12000сом. Акырындап анча мынча нерседен озун тартып акча чогутса деле бир клапанга акча чогутуп коймок уже. Алла шыпаасын берсин. Айыгып кетсин.

kuba1985

2017-02-22 21:32:36

ainura220888,Эч кимдин башына мындай нерсе келбесин, баланын ооруганы эн жаман.Алтындары мурда эле болсо керек. А маникюрду озун деле жасап алсан болот го. Азыр бул айым учун ото оор учур. Дагы озун таштап салбай карап аткан азаматсыз демекмин.Оорулуу баланы баккан адам физикалык жактан да психикалык жактан да ото чарчайт.Ишенип койгула башыман отуп жаткан учун айтып жатам.Башында ыйлайсын озунду таштайсын бирок акырындык менен озунду колго ала баштайт экенсин.

bolotbeck1983

2017-02-23 04:19:39

ainura220888, эртенки кунундун эмне болоорун билбейсин. Ар бир адам татыктуу жашоого акылуу.

tynara81

2017-02-22 17:21:17

Бала карап, тамак жасаган аял тырмак өстүрбөш керек го. Микробдун баары тырмак астында. Жараткан шыпаасын берсин!

Ayka93

2017-02-22 20:32:56

Сакайып кетсин.

kuba1985

2017-02-22 21:34:40

Баланыз айыгып кетсин!

Omka-1996

2017-02-22 23:22:01

Кантип жардам бериш керек. Банковский карточка же Элсомдо кошелеги барбы?

bolotbeck1983

2017-02-23 04:15:18

Умутунузду узбонуз, наристениздин ичээр-суусу тугоно элек. Алла Таала шыпаасын берсин!

Aikow60

2017-02-23 10:09:01

Акылбеков Байэлдин апасынын номери 0700 95 88 94 Аты жөнү Дүйшөнкул кызы Таалайкүл Жардам берем дегендер ушул номерге чалсанар болот.

ayjan_90

2017-02-23 19:40:38

Акчам жок деп тырмагын жасап алтын тагып алганын ошентсе анан кайдагы акча

-2

Nurkyz1977

2017-02-27 11:19:35

ayjan_90,жасанып озун караганга укуктуу эмеспи,башына сыноо тушкондо жудоп кочого чыгып алыш керекпи? Пенделердин жашоого болгон коз карашы качан онолор экен. Алла ар кандай сыноо берип сынайт,барга коппо жокко чокпо деген создун маанисин тушунбойт окшойсун. Андан коро мен которо албаган сыноодон сакта деп жур,бироону табалаганча.

Albina10

2017-02-23 22:19:26

Аллахым наристеге шпасын берсин. Биздин чооңдор ушундай нерселерге жардам беришсе болбойбу бири биринин байлыгын чукулашкандан көрө.

medetbek

2017-02-24 04:38:24

Ар нерселерди жаза берет экенсинер. Тообо редакцияга жыртык койногун кийип келбейт го . Эч кимдин башына тушпосун мындай нерсе Жакшы болуп кетсин Алла шыпаасын берсин.

Pozitiff

2017-02-24 15:10:46

ainura220888 А десе Б дебенизчи. Шеллакты жасатса эмне экен балким туугандары бар бекер жасап бере турган, балким бул жаман кабарды уга электе тушкон сурот. Дегеле анын тырмагы менен ишиниз эмне? Сизге окшогон кумурскадан пилди коргон адамдардын ой жугуртуусуно тан калам. Мындай нерсени сиздин башынызга салбасын!

Nurmat8921

2017-02-25 16:07:12

Аллахым шыпасын берсин

batkenim2016

2017-02-28 11:46:28

Аял киши кош бойлуу учурунда грипп болбогонго аракет кылыш керек экенда биз анча конулго албагын грипп ото коркунучтуусу . Мен да кызымды торогондо жаш экенмин кайнем грипп болбогонго аракет кыл рзунду жакшы кара десе конул болбой кайра кайра грип болуп кызым коп ооруп журду азырткудайга шугур жети жашка чыгып эми оорууну анча жолотпой калды кийинкисинде озун да коркуп калат экенсин. Эмнеси болср ла Байэлге ден соолук тилейбиз.эч бир жандын балапандарыбыз оорубаса

Комментарий калтыруу үчүн өз ысымыңыз менен кириңиз же каттоодон өтүңүз.

№ 746, 17-23-февраль, 2017-ж.