БИР БҮРКҮМ

Кыргыз өлкөсүнүн Австриядагы элчиси болуп БАКЫТ ЖУСУПОВ дайындалды.
Мамлекеттик каттоо кызматынын маалыматына караганда, өлкөдө 2015-жылга салыштырмалуу 2016-жылда 5253кө аз ЫМЫРКАЙ төрөлгөн. Ошондой эле былтыр мурунку жылга караганда ажырашуулардын саны 1380ге көп болгон.
Өкмөткө караштуу Монополияга каршы жөнгө салуу агенттигинин директору болуп ШУХРАТ САБИРОВ дайындалды. Ал буга чейин Ош шаарында вице-мэрлик кызматты аркалап келген.
Жарандарга соттолгон же СОТТОЛБОГОНДУГУ тууралуу маалыматты 1 күндө даярдап берүү баасы 230 сом. Аталган маалыматты ички иштер министринин орун басары Курсан Асанов билдирди.
2016-жылга карата өлкөдөгү Биринчи медициналык-санитардык жардам көрсөтүү кызматынын врачтарынын орточо АЙЛЫК МАЯНАСЫ 9 миң 379 сомду түздү. Бул маалымат Саламаттыкты сактоо министрлигинин 2016-жылдын жыйынтыгын чыгарган коллегиясында маалым болду.
2016-жылы өлкөдө кош бойлуу кезинде, ТӨРӨТТӨ жана төрөттөн кийинки мезгилде 47 аял кайтыш болгон. Бул көрсөткүч 2015-жылга караганда 23 пайызга аз.
Кыргыз мамлекетинин 73 АЙЫЛЫНДА уюлдук байланыш жок. Бүгүнкүгө карата уюлдук байланыштын 7,5 миллион абоненти бар, интернет колдонгондор 4,5 миллион кишини түзөт.
Өлкөдө ӨЗ ЖАНЫН КЫЙГАН балдардын саны азаюуда. 2013-жылы 125 өспүрүм, 2016-жылы 95 өспүрүм суицидге барган. Анын тең жарымы ата-энеси менен урушуп кеткендиктен ушундай жолду тандашкан.
Өлкөдөгү ДАРЫ-ДАРМЕКТИН 97 пайызы сырттан алып келинет. Ал эми бул рыноктогу товар жүгүртүү жылына 10 миллиард сомдон ашуун сумманы түзөт. Бул тууралуу Дары-дармек менен камсыздоо департаментинин директору Гүлмира Шакирова айтты.
Чет өлкөлөрдө 757 миңдей КЫРГЫЗ ЖАРАНЫ эмгектенет, анын көбү Орусия, Казакстан, Түркия жана Түштүк Кореяда жүрөт.

Бектур Токтоноев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 746, 17-23-февраль, 2017-ж.