1 ЖУМАГА СОЗУЛГАН ТОЗОК. 3 ЭРКЕК АЯЛДЫ САБАП, ЗОРДУКТАП, ЧАЧЫН КЫРЫП САЛЫШКАН ДЕП ШЕКТЕЛҮҮДӨ
Ушул жылдын май айында Майлуу-Суу шаарында 41 жаштагы аялды үйгө камап алып 1 жума бою сабап, зордукташкан деп шектелип 3 адам кармалды. Алар алсыз аялды сабап, зордуктоо менен бирге мазактап чачын да кырып салышкан деп шектелүүдө.
КУЛПУНУ БУЗУП КАЧЫП ЧЫККАН
Жалал-Абад ОИИБинин билдиришинче, окуя төмөнкүдөй болгон. Ушул жылдын 18-майында 41 жаштагы Сузак районунун тургуну Майлуу-Суу шаарына караштуу Көк-Таш айылындагы таанышыныкына конокко келип, кайра болжол менен күндүзгү саат 3-4төр чамасында Жалал-Абад шаарына кайтуу үчүн унаа күтүп аялдамада турган. Алыстан автоунаа келе жатканын көргөн аял кол көтөрүп токтотот. Ал ак түстөгү унаанын ичинде 30-40 жаштардагы мас абалдагы 3 эркек бар болгон. «Жалал-Абад шаарына чейин барасызбы?» деген аялдын суроосуна айдоочу «Кочкор-Ата шаарына чейин барабыз, отуруңуз» дейт. Эч жамандык күтпөгөн аял унаага отуруп алат. Бирок алар жүргүнчүнү Кочкор-Ата шаарына алып барбастан, унаанын ичинде эч себепсиз эле ур-тепкиге алышып, Майлуу-Суу шаарындагы көп кабаттуу үйлөрдүн бириндеги батирге алып келишет. Батирден да сабашып, каршылык көрсөткөнүнө карабай кезектешип зордукташат. Бул тозок бир жумага созулган. Кылмышкерлердин оюна эмне келгени белгисиз, аялдын чачын сакал алгыч менен кырып салышкан.
23-май күнү гана жабырлануучу үйдө алардын жоктугунан пайдаланып, эшиктин кулпусун бузуп качып чыгып, милицияга кайрылган. Жабырлануучу денесинен алган көптөгөн жаракаттардан улам Майлуу-Суу шаардык биргелешкен ооруканасына жаткырылган.
КЫЛМЫШКА ШЕКТҮҮЛӨР КАРМАЛДЫ
Бул кылмыш боюнча Жалал-Абад ОИИБинин басма сөз кызматынан төмөнкүчө маалымат беришти:
– 2017-жылдын 23-майында Жалал-Абад облусуна караштуу Майлуу-Суу шаардык ИИБине 41 жаштагы аял кайрылып, өзүн белгисиз адамдар 1 жума бою зордуктаганын айтып арыз жазган. Майлуу-Суу ШИИБинин кызматкерлери тарабынан ыкчам иш-аракеттер жүргүзүлүп, жыйынтыгында 24-майда бул кылмышка шектелип 43 жаштагы З.К. аттуу Майлуу-Суу шаарынын тургуну, 22 жаштагы Т.К. аттуу Майлуу-Суу шаарына караштуу Көк-Таш айылынын тургуну жана 36 жаштагы К.А. аттуу Ноокен районуна караштуу Бүргөндү айылынын тургуну кармалган. Бул факт боюнча Майлуу-Суу ШИИБинин тергөө бөлүмү тарабынан Кылмыш-жаза кодексинин 129-беренесинин 2-бөлүмүнүн 3-пункту (зордуктоо алдын ала макулдашуу боюнча адамдар тобу тарабынан жасалганда), 125-беренесинин 2-бөлүмүнүн 1-пункту (мыйзамсыз түрдө эркиндигинен ажыратуу алдын ала макулдашуу боюнча адамдар тобу тарабынан жасалганда) менен кылмыш иши козголгон.
Майлуу-Суу шаардык соту 26-майда кылмышка шектүүлөрдүн баш коргоо чарасын карап, аларды 2 ай камакка алуу боюнча чечим чыгарган. Кылмышка шектүүлөр аталган ШИИБдин убактылуу кармоочу жайына киргизилген. Ошондой эле жабырлануучу аялга карата соттук-медициналык, соттук-биологиялык экспертизалар дайындалган.
Учурда бул кылмыш иши боюнча тергөө иштери жүрүп жатат. Тергөө аяктаганда биз бул темага кайрадан кайрылып, маалымат бермекчибиз.
Нурбек Абдыкадыров
koom@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (43)
Булар эки айдан эле отуруп чыгып кетишет байкуш аял омур бою кыйналып отот
Олум жазасын киргизиш керек, анан элдер коргондой кылып асыш керек ошондо адам баласы корко баштайт, болбосо кобойуп баратат мындайлар, ачыка чыкпай жургондордун дагы канчасы бар.
el aldinda asish kerek. kattu jazalar koldonboso minday jan algichtar koboyup baratat.
Эмнеге самолёт кулайт, жер кочот, сел болот, жер титирейт? мына жообу. Пейилге жараша Кудай жаза берет. Жамандын кесепети тийет дейт. Кыямат болсо ушундайлардын айынан болот. Бул бир эле мисал намыс, уят деп канчасы унчукпай калды экен арабызда.Шырп этсе кыргыз кыздар бузулду, кыздар андай мындай деп тишина тишине тийбей быдылдап ушактап чыгышат, озулору энесиндей аялдарга асылышат. Уятсыздар.
Т.К, З.К деп жазбай эле толук аты жонун жазсанар кылмышты моюндарына алып жаткандан кийин!!!
Атып же асып салса коркот дейсиңер Алла таладан корпогон мындайлардан кантип корксун. Адамдар эмне үчүн жаман иштин жазасы бар экенин биоишпейт?
50 жылга камап салыш керек буларды !!!
Aktilek001,50 жыл буларды мамлекет бакканы жакшыбы?
Олуп жазасын киргизгенде жакшы болмок и азаймак дагы... Биздин аша не кылып журот дейм да... жэ элди карабаса же кызвн карабаса??.сылан корозго окшоп жасангандан башка келбейт окшойт колунан...
Мен ошон учун корком кочодо жалгыз журуштон.Кундузу эле болуп атпайбы бул иш.
Куйоом бир жака барып кел десе, сразу айтам озум жалгыз корком деп. Ушунчалык коркокмун.
кудай жазасын берсин. акмактарды омур бою эркинен ажыратыш керек
langar, pero123, провокация жаратуучу билдирүүлөргө тыюу салынган. Эскертүү!
БиР эле кундо ошентип койсо коп ичкендир сайынгандыр дейсин, булар бир жума бою, ото коркунучтуу адамдар,
Ушул окуянын натыйжасында келиндин жолдошу ажырашып кетиптир ортодо балдарга эле убалда.
Kaisarka,жаман болуптур байкуш келинге олгондун устуно комгон болуп
Айбандар.Келиндин тагдырын талкалапсынар омур бою так калтырып.
Тооба кылдым. Кудайым курулай дооматтан. Бей ажал олумдон сактасын. 22жаштагы бала энесин дей катынды аяп койсо болмок. Тооба кылдым. Жазасын Аллаахым берсин.
