Футбол боюнча өлкөнүн Биринчи Лигасында чемпиондук наамды “Кара-Балта” менен “Алдиер” клубдары талашууда

Кыргыз Республикасынын футбол боюнча Биринчи Лигасы аяктап, учурда абсолюттук чемпионду аныктоочу оюндар жүрүп жатат. Анда “А” зонасынын чемпиону “Кара-Балта” клубу менен “В” зонасынын чемпиону “Алдиер” клубдары эки беттеш ойноп, жеңүүчүнү аныкташмакчы. Оюндар “өз үйүндө” жана “конокто” системи боюнча өтөрү пландалган.

Аталган лигадан кабарлашкандай, кечээ, 4-ноябрда Кара-Балта шаарында бул эки команда өз ара кез келип, беттеш 0:0 эсебиндеги тең чыгуу менен аяктады. Эми 8-ноябрга пландалган жооптук оюн Куршабда өтөт. Жеңүүчү аталган команданын кийинки жылкы сезондо өлкө чемпиондугу – ТОП-Лигага келери күтүлүүдө.

Автор: Максат Кудайбердиев
Фото: КРнын Футбол лигасынын расмий сайты