Тоң районунда 14 жаштагы кыз көпүрөдөн секирип, милиция кызматкери аны кармап калууга үлгүрдү (фото)

Өспүрүм кыздын өмүрүн сактап калган Шапак Таалайбеков.

Өспүрүм кыз ушул көпүрөдөн секирген.

Тоң районунда көпүрөдөн секирип өлүүгө аракеттенген кыздын өмүрүн милиция кызматкери сактап калды. Бул тууралуу бүгүн, 18-февралда SUPER.KG порталына Ысык-Көл облустук ички иштер башкармалыгынын басма сөз кызматынын жетекчиси Сталбек Усубакунов билдирди.

Маалыматка ылайык, окуя 15-февраль күнү саат 09:30 чамасында болгон. Анда Тоң РИИБинин кызматкери Шапак Таалайбеков түнкү нөөмөттөн чыгып, унаасы менен келе жатып Төрт-Күл менен Бөкөнбаев айылдарынын ортосундагы көпүрөдө өспүрүм кыз жалгыз турганын көргөн. Кыз ага шектүү көрүнүп, унаасынан чыгып жанына жеткенче ал өзүн таштап жиберген, бирок милиционер аны кийиминен кармап калганга үлгүргөн. Өз өмүрүнө кол салууга аракеттенген кыз Төрт-Күл айылынын тургуну. Ал мындай жагымсыз жорукка өзүн жоготуп, эмне кылып жатканын билбей калгандыктан улам барганын айткан.

"Мен аны кармап калганга кантип үлгүргөнүмдү азыр да эстей албай жатам. Биз экөөбүз тең кулап кете жаздадык, көпүрөнүн бийиктиги 20-25 метрди түзөт. Мен кыздын кийиминен эки колдоп катуу кармап, өзүм кулап кетпөө үчүн бутум менен көпүрөнүн темирине таканчыктап турдум. Жардамга чакырайын десем эч ким көрүнбөйт. Өспүрүм кыз колумдан жулунуп, мага каршылык көрсөтүп жатты. Мен аны көпүрөнүн үстүнө чыгарууга аракеттенип жаттым, ал менден бошонууга жулунуп ыйлап жатты, экөөбүз ошентип бир топко алыштык. Бир аздан кийин ал сооронуп, мага каршылык көрсөтпөй калды, ошондо гана мен аны көпүрөнүн үстүнө тартып чыгарып алдым",- дейт кыздын өмүрүн сактап калган Таалайбеков.

Учурда милиция кызматкерлери өспүрүм эмнеден улам өз өмүрүнө кол салууга аракеттенгенин аныктап жатышат.

Автор: Мальвина Уметбекова

12:51 18-02-2016

Жазылуу

РУБРИКАДАГЫ СОҢКУ КАБАРЛАР

10:44 2025-05-14 | Маданият, шоу-бизнес

Асел Кадырбекова Бишкек шаардык кеңешинин Ардак грамотасы менен сыйланды 465 0

10:42 2025-05-14 | Кылмыштар, кырсыктар

Курулушта коопсуздукка кайдыгер караган деп компания жетекчиси жана бийлик өкүлү кармалды 342 0

10:16 2025-05-14 | Спорт

Кыргызстандык спортчу парадзюдо боюнча эл аралык мелдеште коло байгеге ээ болду (видео) 187 0

10:06 2025-05-14 | Түркүн дүйнө

Өзбекстандын жарандары 1-июндан тарта Кытайга визасыз кире алышат 361 0

10:00 2025-05-14 | Кылмыштар, кырсыктар

Караколдо менчиктештирилип кеткен соода базасы мэрияга өткөрүлдү (видео) 218 0

09:51 2025-05-14 | Коом жана турмуш

Нарындагы жер титирөө: Ак-Талаада 99 үйдүн дубалынан жарака кеткен 470 0

Архив

Комментарийлер (39)

dubai

2016-02-18 15:17:04

кинодогудай болуптур,милиция кызматкери азамат!Коп жаша,Алла раазы болсун!

maks83

2016-02-18 15:22:05

олом дегендер олоберсин да оз жанын кыйгандар аркасынан бироо олмок беле.Сабырдуу бололу!

Aibek8992

2016-02-18 15:25:44

Сыйлык берилиш керек. Азамат Аллах ыраазы болсун. Эгер ал себеп болбогондо кырчындай курактагы кыздын өмүрү кыйылып кете бермек. Бир адамды куткаруу бүтүндөй адам затын куткарууга барабар.

+11

ryslife888

2016-02-18 16:06:41

Кыргыздар озу эр келишет, себеби Манас атабызды тукумубуз. Бир гана "патриотбуз" деген эргулдар биздин элди уят кылып жатышат. Окунучтуу, кызды кучсуз, алсыз жана эрксиз гана эркек ур токмокко алат.Чыныгы эр азаматтар кобойо бергиле, элибизге кызмат отой бергиле! Биз силер менен сыймактанабыз!

+10

Aviator

2016-02-18 16:13:31

красавчик

Santanna

2016-02-18 16:20:01

Азамат жигит экен,башка болгондо оозун ачып эмне кылмак экен деп тамаша кылып турмак эледа,бир адамдын омрун сактап калыптыр олбосода жаракат алгандан сактаптыр, Кудай куткарган милиция жигитти жаман кырсыктардан сактасын демекчимин,бул жигитти Кудай жибериптирда кыздын омурун сактаганга себепчи кылып,Алла ыраазы болсун!

Patriot..kg

2016-02-18 17:27:46

Азамат

Drongo

2016-02-18 18:33:44

Азамат жигит экен.

TGA

2016-02-18 20:46:22

Чын элеби?

RaHat19

2016-02-18 21:27:18

ушундай кыраакы милициялар керек.шектуу корунуп калганын карачы.эми ал кызга маралдык жактан жардам бериш керек психологдон дагы.

Afina

2016-02-18 22:22:21

жакшыыыы сыйлык Берио керек)

Nendi15

2016-02-19 00:20:34

Ажалы жетпеген экен да ичер суусу тугонбогон экен милицияны себеп кылып аман калыптыр

Nazikbaigazy

2016-02-19 01:00:06

Булда бир адамдын омурун сактап калды.жогорку тараптан сыйланыш керек

nurkasym-2014

2016-02-19 10:17:40

20-25 метр болбосо да 15 еочна бар.Ал копуро бир топ эле бийик.

-1

malikam

2016-02-21 19:25:32

дагы жакшы улгуруп калыптыр

Комментарий калтыруу үчүн өз ысымыңыз менен кириңиз же каттоодон өтүңүз.