Жогорку Кеңештин төрагасын шайлоо кийинки жумага калды

Жогорку Кеңештин төрагасын шайлоо кийинки жумага калды. Бул тууралуу бүгүн, 14-апрелде парламент жыйынында вице-спикер Нурбек Алимбеков билдирди.

Анын айтымында, эки фракция төрага кызматына талапкерлерин сунушташты. "Мыйзамга ылайык, талапкерлер парламенттин тармактык комитеттеринде каралып, андан соң парламенттин кароосуна сунушталат. Азырынча эки талапкер бар. Дагы башка фракциялардан талапкерлер күтүлүүдө",- деди Алимбеков.

Айта кетсек, кечээ Жогорку Кеңештин экс-төрагасы Асылбек Жээнбеков анын агасы Сооронбай Жээнбеков премьер-министрликке шайланып жатканына байланыштуу ээлеген кызматынан кеткен эле. Учурда анын ордуна "Кыргызстан" фракциясынын лидери Канат Исаев жана "Өнүгүү-Прогресс" фракциясынын лидери Бакыт Төрөбаев келгени жатышат.

Автор: Нургазы Аматов