Жогорку Кеңеш Кашкар Жунушалиевдин ИИМдин башчысы болушуна макул болду

Жогорку Кеңеш Кашкар Жунушалиевдин ИИМдин башчысы кызматына талапкерлигин жактырды. Добуш берүүгө катталган 113 депутаттын 105и "макул" деп добуш беришти, "каршы" добуш берилген жок.

Жунушалиев Кашкар Астаканович 1961-жылы Чүй облусунун Аламүдүн районунун Арчалы айылында туулган. 2000-жылы Кыргыз улуттук университетинин юридикалык факультетин бүтүргөн.

1981-жылы - Фрунзе ички иштер башкармалыгынын милиция кызматкери;
1984-1986-жылдары - Фрунзе шаарындагы ИИМдин атайын орто мектебинде окуп, аяктаган соң Фрунзенин Октябрь РИИБинин аймактык тескөөчү кызматына дайындалган;
1991-жылдан тарта - Бишкек шаарынын Октябрь РИИБинин алдын алуу иштери боюнча бөлүмүнүн башчысынын орун басары;
1992-жылы аталган - РИИБдин жооптуу тескөөчүсү;
1994-1997-жылдары - Октябрь РИИБинин башчысынын орун басары;
1997-1998-жылдары - Биринчи Май РИИБинин башчысынын орун басары;
1998-2003-жылдары - Бишкек ШИИББинин коомдук коопсуздук бөлүмүнүн башчысы;
2003-2007-жылдары - Ысык-Көл ОИИБинин башчысынын орун басары;
2007-2008-жылдары - Чүй ОИИББинин башчысынын орун басары;
2008-жылы - Баткен ОИИБинин башчысынын орун басары;
2008-2009-жылдары - Бишкек ШИИББинин башчысынын орун басары;
2009-2010-жылдары - КРнын ИИМинин Коомдук коопсуздук боюнча мамлекеттик башкармалыгынын башчысы;
2010-2014-жылдары - КРнын ИИМинин башчысынын орун басары;
2014-2016-жылдары - Бишкек ШИИББинин башчысы;
2016-жылдын 30-майы - ИИМдин башчысынын милдетин аткаруучу.