Кыргыз мамлекеттик циркинин кызматкерлери: "Цирктин тегерегинде капуста, бадыраң өстүрүлүп, элге уят болдук"

Бүгүн, 24-июнда Кыргыз мамлекеттик циркинин кызматкерлери аталган мекеменин директору Курмангазы Исанаев менен иштеше албай жатышканын айтып жыйын өткөрүштү.

"Канча жолу кайрылдык, көңүл бурган эч ким жок. Цирк талкаланып калды. Биз жетекчибиз менен иштешпейбиз. 22 жылдан бери 45 адам иштейт. Маданият, маалымат жана туризм министри Алтынбек Максүтов цирктин жетекчиси кетерин айткан. Учурда цирктин өнүгүү планы жок. Мени 2 жылдан бери цирктин имаратына киргизбейт", - деди КРнын Эл артисти Манат Эшимбеков.

Цирктин кызматкерлеринин айтымында, мында иштеген артисттер жаныбарларды өздөрү сатып алып, кийимдерин өздөрү тиктиришет.

"Искусствону билген директор келсин. Маданият министрлигине үнүбүз жетсе дейбиз. Эгерде өкмөт бизге көңүл бөлбөсө, биз өнөрлөрүбүздү көчөдө да көрсөтө беребиз. Сын айтканыбыз үчүн бизди иштен айдап, аркабыздан кууп жатат", - дейт режиссёр Клара Тажибаева.

"9 жылдан бери жаңжал болуп жатат. Кыргыз цирки Советтер Союзунун убагында 3-орунда эле, азыр эл аралык деңгээлден артта калды. Кыргыз мамлекеттик циркинин директору 12 жылдан бери Курмангазы Исанаев, ал ишкер. Директор уюштуруучу болуш керек эле, бирок бизде андай эмес болуп жатат. Цирк өлкөбүздө 1976-жылдан бери иштейт, бир да жолу капиталдык оңдоо иштери жүргүзүлө элек", - дешти кызматкерлер.

Алар президентке жана элге кайрылышты: "Циркке көңүл бөлүңүз, ишин нөлдөн башташ керек. Цирктин артисттери кырылып кете электе сактап калгыла. Имараттын тегерегинде балык багылып, капуста, бадыраң өстүрүлүп жатат. Элге уят болдук".

Жыйынды өткөргөндөрдүн маалыматына ылайык, цирктин абалы оор. Кызматкерлер 3600 сом айлык алышат.

Автор: Акназар Сулайманкулов
Фото: Акназар Сулайманкулов

13:49 24-06-2016

Жазылуу

РУБРИКАДАГЫ СОҢКУ КАБАРЛАР

10:44 2025-05-14 | Маданият, шоу-бизнес

Асел Кадырбекова Бишкек шаардык кеңешинин Ардак грамотасы менен сыйланды 465 0

10:42 2025-05-14 | Кылмыштар, кырсыктар

Курулушта коопсуздукка кайдыгер караган деп компания жетекчиси жана бийлик өкүлү кармалды 342 0

10:16 2025-05-14 | Спорт

Кыргызстандык спортчу парадзюдо боюнча эл аралык мелдеште коло байгеге ээ болду (видео) 187 0

10:06 2025-05-14 | Түркүн дүйнө

Өзбекстандын жарандары 1-июндан тарта Кытайга визасыз кире алышат 361 0

10:00 2025-05-14 | Кылмыштар, кырсыктар

Караколдо менчиктештирилип кеткен соода базасы мэрияга өткөрүлдү (видео) 218 0

09:51 2025-05-14 | Коом жана турмуш

Нарындагы жер титирөө: Ак-Талаада 99 үйдүн дубалынан жарака кеткен 470 0

Архив

Комментарийлер (5)

barsa30

2016-06-24 14:02:54

ммда кытайлар коп кафе ачышкан ошолорду тартипке келтириш керек . оло уят мамлекеттик циркте кытай кафеси ачылганы

elli_88

2016-06-24 14:41:39

ал бизнесмен киши жаны директор болгондо эле цирктин тегерек усту ресторан болот деп пландаган имиш. тааныштарынан уккам

KGstan1981

2016-06-24 17:54:37

Атамбаевтин заманында шоферлор советник президента,жан сакчылар ГКНБнын бир болугунун башчысы, ал эми бизнесмендер цирктин жана маданият борболордун башчылары б-п дайындалгандарына ичим кейит.

-1

new_hacker

2016-06-25 04:40:35

жакшы

admin_portal

2016-06-26 12:44:40

koutinho, этика нормаларын сактаңыз! 5 күн БАНга!

Комментарий калтыруу үчүн өз ысымыңыз менен кириңиз же каттоодон өтүңүз.