Боом капчыгайындагы кафелердин ажатканалары бир айда оңдолот

24-июлда Кыргыз Республикасынын Өкмөтүнүн Ысык-Көл облусундагы ыйгарым укуктуу өкүлү Асхат Акибаев Бишкек-Чолпон-Ата жолундагы Боом капчыгайындагы кафелердин ээлери менен жолугушту. Бул тууралуу бүгүн, 25-июлда ыйгарым укуктуу өкүлдүн басма сөз кызматы кабарлады.

Маалыматка ылайык, жолугушууда облус башчы Ысык-Көлгө көптөгөн чет элдик жана жергиликтүү тургундар келишерин айтып, алардын көпчүлүгү кафелердин тейлөөсү менен ажатканалардын абалы начар экенин билдиришкенин кошумчалады.

"Бул жылы биздин аймакта ири масштабдуу иш-чаралар өтөт, ага ылайык, тейлөө жогорку деңгээлде болушу керек. Аймактын жакшы имиджи жана туристтик багыттын өнүгүүсү баарыбыздан көз каранды", - деди Акибаев.

"Ажатканалардын абалын өзүнчө айта кетиш керек. Кыргыздар илгертен "эшигин көрүп, төрүнө өт" деп айтып келишкен, андыктан Ысык-Көлгө бара жаткан туристтер алгач коомдук тамактануучу жайларга жана ажатканага көңүл бурушат. Бардык талаптарга жооп берген таза ажаткана - эң жакшы маркетингдик кадам. Силер бул маселени чече аласыңар деген ойдомун", - деп кошумчалады облус башчы.

Өз кезегинде кафелердин ээлери бир айда бул маселени чечүүгө сөз беришти.

Автор: Үмүт Абдраимова
Фото: Ысык-Көл облусундагы<br>өкмөттүн ыйгарым укуктуу<br>өкүлүнүн басма сөз кызматы

13:04 25-07-2016

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 88 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 152 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 433 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 436 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 319 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1900 0

Архив

Комментарийлер (5)

Aidai5555

2016-07-25 13:18:41

Эмиби, жайдын экинчи айы соңуна чыгып баратат!!! (Айла канча, кыбырай бергиле ошентип, кыбыраган кыр ашат!!!)

Mirkgz-1990

2016-07-25 13:20:43

Бир айда ажаткана эмес үй салып койсо болотго

Frunze74

2016-07-25 13:42:20

Окмот Ош-Бишкек ж.б.алыскы жолдорго ар 80-100 км.ге заманбап туалеттер курдуруп койсо болот го шарттары менен аял-эркектерге башка башка кылып. Ошол туалеттер Жогорку Кенештин 120 депутатына караганда алда канча коп пайдалуу эл учун, чыгымы да алда канча аз болот депутаттардын чыгымынан...

Туристери жок эле оз элибиз учун курса деле болот го, соопчулук учун, ал жолдордо ар куну канчалаган адам отот.

KGstan1981

2016-07-25 14:17:25

Жанагы Балыкчыга киребериштеги экопост ар машинеден 200-500 сомго ч-н акча алат ошол акчалар кайда кетип жатат.Кунуно сезондо мин деген машине отот ошол экопостон ошол акчага заманбап ажатканаларды салып коюшса болмок.

Dadasdasd

2016-07-25 14:24:06

Ар бир заправкага милдеттуу турдо ажаткана курдуруу керек.

Комментарий калтыруу үчүн өз ысымыңыз менен кириңиз же каттоодон өтүңүз.