"21-августтан бери дайынсыз" делген 15 жаштагы Айпери Сүймөнкул кызы Алматыда изделүүдө

Алматыда "2016-жылдын 21-августунан бери дайынсыз" делген Кыргыз өлкөсүнүн жараны 15 жаштагы Айпери Сүймөнкул кызы изделүүдө. Бул тууралуу казакстандык маалымат агенттиктери бүгүн, 12-октябрда жазып чыгышты.

“Алдын ала алынган маалыматтар боюнча, учурда Айпери Алматыга чогуу келген мекендеши менен жашап жаткан болушу мүмкүн”, - деп жазылат маалыматта.

Ошондой эле полиция кызматкерлери А.Сүймөнкул кызынын кайда жүргөнү тууралуу маалыматы болгондорду төмөнкү телефондорго байланышууга чакырат: 254-46-08, +7 771 407 48 52, +7 747 951 06 02 же 102.

Бул окуя боюнча Чүй облустук ички иштер башкы башкармалыгына кайрылганыбызда, төмөнкүлөрдү айтып беришти: “22-августта Чүй ОИИББине 2001-жылы туулган Айпери Сүймөнкул кызынын ата-энеси арыз менен кайрылган. Анда 21-августта апасы кызын нан алып келгенге дүкөнгө жиберип, ал ошол бойдон кайтып келбегени жазылган. А.Сүймөнкул кызынын ата-энеси билдиргендей, 25-августта кыздын атасына казакстандык номерден “Баары жакшы. Иштеп, акча тапкандан кийин кайтып келем” деген билдирүү келген. Чүй облустук ички иштер башкармалыгы Алматынын Ички иштер департаментине бул иш боюнча кайрылып, учурда Алматыда издөө иштери жүрүп жатат”.

Автор: Саадат Токтоболот кызы
Фото: Интернеттен алынган

16:38 12-10-2016

Жазылуу

РУБРИКАДАГЫ СОҢКУ КАБАРЛАР

15:56 2025-06-23 | Түркүн дүйнө

ФИФА расизмге каршы жаңы эреже киргизди 49 0

15:40 2025-06-23 | Коом жана турмуш

Өзбекстандан Тамчыга учак каттай баштады 157 0

15:11 2025-06-23 | Коом жана турмуш

Кыргызстанда бир жумада 271 мас айдоочу аныкталды 137 0

15:05 2025-06-23 | Түркүн дүйнө

Астанада кыз менен анын инисин бычактап салууга шектүү жигит кармалды 344 0

15:01 2025-06-23 | СОТТУК ИШТЕР

MCN Coin иши менен камалган Юруслан Тойчубеков бошотулганы белгилүү болду 352 0

14:56 2025-06-23 | Кылмыштар, кырсыктар

17 жаштагы кыздын кулагына таракан кирип кеткен 435 1

Архив

Комментарийлер (1)

Gul14kA

2016-10-12 20:58:17

Жаратканым колдоп, табылып калсан экен. Тырмактай, жапжаш кыздарыбызды чет жерге жибербей эле коюшса. Албетте мунун баары олкобуздогу жумуш жоктугунун айынан келип чыгууда.

Комментарий калтыруу үчүн өз ысымыңыз менен кириңиз же каттоодон өтүңүз.