Авиакырсыктан каза болгондордун саны 38ге жетти. Бул тууралуу бүгүн, 17-январда Өзгөчө кырдаалдар министрлигинин ыкчам бөлүмүнүн башчысы Урмат Шамырканов SUPER.KG порталына билдирди.
"Учурда шаардагы өлүкканаларда 3 адамдын сөөгү калды. Алардын экөө Нарын облусунун Жерге-Тал айылынын тургундары, ал эми бирөө Ош облусунун Куршаб айылынын тургуну болгон. Учакта каза болгон 4-экипаж мүчөсүнүн сөөгү азыркы учурда өлүкканага алынып келе жатат", - деди Урмат Шамырканов.
Маалыматка ылайык, өлүк сактоочу жайга алынып келинген сөөктөрдү жакын туугандары алып кетишкен. Өлүккананын алдына чатыр тигилип, ысык чай берилип жатат.