Америкалык ырчы Мадонна багып алган эгиз кыздарын көрсөттү

Мадонна үй-бүлөсү менен

Мадонна эгиз кыздары менен

Мадонна багып алган эгиз кыздары менен

Америкалык ырчы Мадонна Чыгыш Африкада жайгашкан Малави өлкөсүнөн эгиз кыздарды багып алганын расмий тастыктады.

"Бала багып алуу процесси соңуна чыкты. Буга байланыштуу Малави өлкөсүндө туулган эгиз кыздарды багып алганымды расмий тастыктайм. Эми алар биздин үй-бүлөнүн мүчөсү экенине кубанычтамын", - деп жазган ырчы социалдык тармактагы баракчасы аркылуу.

Ырчы кыздарды багып алууда көмөктөшкөн адамдардын баарына ыраазычылыгын билдирип, массалык маалымат каражаттарынан алардын жаңы жашоо баштаганына байланыштуу жеке жашоосун сыйлоону суранган.

Мадонна буга чейин эки уул, эки кызды (алардын экөөнү багып алган) тарбиялап келген.

Маалыматтарга караганда, эгиздердин апасы каза болуп калган. Ал эми атасы кыздарын тарбиялоодон баш тартып, жаңы үй-бүлө куруп кеткен. Кызыгы, ал кыздарды багып алуу боюнча чечим чыгып жатканда сот залында болгон.

Автор: Турсунай Алымкулова