ЭЛДИК ВИДЕО: Дүйнөдөгү эң начар лыжачынын видеосу көргөндүн күлкүсүн келтирет

"Элдик видео" бөлүмүнө "Дүйнөнүн эң начар лыжачысы Адриан Солано" деген аталыштагы видео жүктөлдү (ник: Gupa).

Венесуэлалык лыжачы Адриан Соланону лыжа менен жарышуу боюнча дүйнөлүк чемпионаттын көрүүчүлөрү "дүйнөдөгү эң начар лыжачы" деп аташты. Спортчунун чемпионатка катышканга чейин лыжа тээп көрбөгөнү, ал тургай карды биринчи жолу ушул чемпионатта көрүп жатканы белгилүү болду.

Лыжа жарышы Финляндиянын түндүгүндөгү Лахти шаарында орун алды. 10 чакырым аралыгындагы квалификациялык жарыш учурунда венесуэлалык спортчу Солано бир нече ирет жыгылып кайра туруп, лыжаны теппей эле аны кийип алып өрдөкчө басып, ал тургай лыжа таягын сындырып да алган. Анын видеосу интернет айдыңына чагылгандай тарап, чоң талкууга алынды. Мындай талкуудан кийин Адриан маалымат каражаттарына пикирин билдирип: "Мен өз мекенимде чындыгында карды көргөн эмесмин. Ушул чемпионат мен үчүн биринчи жолу лыжа тебүүгө мүмкүнчүлүк түзүп берди. Мен чемпионатка катышуу үчун дөңгөлөктүү лыжа тээп машыккам. 1 ай мурун Скандинавияга барып кар үстүндө машыгуу планым болчу. Бирок мени жергиликтүү полиция мыйзамсыз мигрант деп депортация кылып жиберишкен", - дейт.

Дүйнөлүк чемпионатта Адриан Солано лыжачылар тобунан 6-чакырымда чыгып калган. Ал 1-орунду камсыздаган спортчудан 38 мүнөт кеч келген.

Видеону көрүү үчүн шилтеме.

15:19 24-02-2017

Автор: Гүлжан Асанкожоева
Фото: Интернеттен алынды

Жазылуу

РУБРИКАДАГЫ СОҢКУ КАБАРЛАР

21:54 2024-05-08 | Коом жана турмуш

Ош шаарындагы Улуу Ата Мекендик согуштун жана оруктун ардагерлери сыйланды 443 0

21:27 2024-05-08 | Саясат

Садыр Жапаров Жогорку Евразиялык экономикалык кеңештин мааракелик жыйынына катышууда 476 0

21:00 2024-05-08 | Кылмыштар, кырсыктар

Аламүдүн капчыгайында 3 турист изделүүдө 548 0

20:20 2024-05-08 | Саясат

Кыргызстан менен Тажикстандын Чек ара кызматтары биргелешкен билдирүү жасады 1438 0

20:06 2024-05-08 | Коом жана турмуш

Ысык-Көлдө пансионаттардын пирстеринин абалы текшерилүүдө 544 0

19:44 2024-05-08 | Бизнес-Инфо

"Бакай Банктын" алдындагы Ислам каржы борбору кичи ажылыкка сертификат ыйгарды 282 0

Архив

Комментарийлер (4)

Abubakir0407

2017-02-24 16:33:56

Хихихи

PROS

2017-02-24 18:26:24

Бул венесуэлец го карды биринчи ирет көрүп атат жана алгачкы ирет кар үстүндөкү кадамы. Биздин спортсмен Коля (Матвеев) 138 орунду алды. Кар көрбөгөн бразилец 135 орунду алды. Ошондо ким уят болду?

bond02

2017-02-25 08:12:36

Башкалар кулсо да биз кыргыздар жон эле коелу биздин лыжачылар деле мындан кем калбайт.

Arlenchik

2017-02-25 15:06:25

Азамат экен бирок алгачкы жолу тээп атса да тартынбай катышкан.

Комментарий калтыруу үчүн өз ысымыңыз менен кириңиз же каттоодон өтүңүз.