Ошто милициянын өлүмүнө шектелген жаран: "Таирбек аялым иштеген дүкөнгө көп келчү, кызганычтан улам таш менен башка чапкам"

Ош шаарында милициянын подполковниги Таирбек Уларовдун өлүмүнө шектелген жаран убактылуу кармоочу жайга киргизилди. Бул тууралуу бүгүн, 27-мартта Ош шаардык ички иштер башкармалыгынан билдиришти.

Маалыматка караганда кылмышка шектүү катары 4 адам кармалган. Алардын ичинен 1972-жылы туулган Д.Ш. (үй-бүлө башчысы) кылмышка өзү гана барганын айтып, жактоочусунун катышуусунда күнөөсүн толугу менен мойнуна алган.

Кылмышка шектүүнүн айтымында, Таирбек Уларовдун иштеген жери аялы иштеген дүкөнгө жакын жайгашкан. Ал дүкөнгө көп келчү.

Өз көрсөтмөсүндө төмөндөгүлөрдү билдирген: "21-март күнү айылыбызда сүмөлөк кайнатылып, коңшулар менен отурганбыз. Анан аялымдын телефонуна Таирбек чалып, аны чакырды. "Эмне үчүн чакырып жатат?" деп сурасам, аялым "карызын берет экен" деди. Артынан 20 минутадан кийин барсам, экөө сүйлөшүп турушуптур. Мен азыраак ичимдик ичкен элем. Таирбек кызуу болчу. Экөөбүз айтыша кеттик. Анан ал "эркекче сүйлөшөлү" деди. Экөөбүз Учар тарапка, канал боюна бардык. Ал дагы намысыма тийген ачуу сөздөрдү айтты. Мен ачуумду токтото албай аны колумдагы балдак менен башка бир чаап жибердим. Футбол ойноп, бутумду кокустатып алгандыктан убактылуу балдак таянып жүргөм. Мен коркуп кетип, колума тийген миздүү таш менен дагы бир нече ирет башка чаап жибердим. Ал жыгылып калды. Бирок сөгүнүп жаткан. Мен аны арткы орундукка чалкасынан жаткырып, унаасынын эшиктерин бекиттим. Анан кан болгон ташты жана унаанын ачкычын сууга ыргытып жиберип, өзүмдүн унаамды айдап, сүмөлөк болуп жаткан жерге келдим. Туугандарыма болсо "Таирбек үйүнө кетти" деп койгом. Окуя кызганычтан, кызуу кандуулукка алдыргандан болду, өлтүргүм келген эмес эле".

Ал эми Ош ШИИБи: "Кылмышка шектүү Д.Шнын бул көрсөтмөсү дагы терең иликтенет, анын бул кылмышка өзүнүн гана катыштыгы болгондугу текшерилет. Маалым болгондой, кылмышка шектүү адам маркумдун оор жаракатына карабастан жардам көрсөткөн эмес. Ал мурда, 2008-жылы соттолгондугу жана Бишкек шаардык ички иштер башкы башкармалыгы тарабынан издөөдө жүргөндүгү аныкталды. Эч жерде иштебейт. Бул өзгөчө оор кылмыштын бети Ош шаардык ички иштер башкармалыгынын кызматкерлеринин тынымсыз жүргүзгөн оперативдүү иликтөө, издөө иштеринин натыйжасында изи сууй электе 24-мартта ачылды", - деп билдирди.

Эскерте кетсек, 23-март күнү саат 15.30 чамасында Ош шаарына караштуу Учар айылынын канал бойлой кеткен Набережная көчөсүндө токтоп турган көк түстөгү Мицубиси үлгүсүндөгү унаанын ичинен 1973-жылы туулган Таирбек Уларовдун жансыз денеси табылган. Ал ИИМдин Баңгизаттарды мыйзамсыз жүгүртүүгө каршы күрөшүү боюнча Оштогу башкармалыгынын тескөөчү-коменданты болуп иштечү.

Автор: Бекжан Рыскулов
Фото: Ош ШИИБ

08:57 27-03-2017

Жазылуу

РУБРИКАДАГЫ СОҢКУ КАБАРЛАР

23:56 2025-06-20 | Түркүн дүйнө

Иран-Израил жаңжалы: Владимир Путин кимди колдойт? 1393 0

23:01 2025-06-20 | Түркүн дүйнө

Telegram'дын негиздөөчүсү Павел Дуров байлыгын 100дөн ашык баласына бөлүштүрөт 1150 0

22:09 2025-06-20 | Коом жана турмуш

Саламаттык сактоо министри энергетикалык суусундуктарга тыюу салууга каршы. Себеби 1479 0

21:08 2025-06-20 | Коом жана турмуш

Бишкекте жаңы асфальт басылган жолдон уруксатсыз өткөн унаалардын видеосу тарады 1109 0

20:31 2025-06-20 | Түркүн дүйнө

Ирандын өкүлү Европадагы үч өлкөнүн министрлери менен жолугуу үчүн Женевага барды 1258 0

19:36 2025-06-20 | Кылмыштар, кырсыктар

Баткендиктерди кемсинтип видео тараткан жаран кармалды (видео) 2602 0

Архив

Комментарийлер (28)

nurik11-29

2017-03-27 10:50:15

мен деле ошондой кылмакмын,эмне милиця болсо баарын кылса боло береби?

meni_kut

2017-03-27 11:07:20

кеп аялында.телефон номерин берип куйоосу турса,эзилип суйлошкон.

kechirmeni

2017-03-27 11:07:41

Пайгамбарыбызга (САВ)бироо келип: "Баланча менин аялыма жолочу болсонор башынарды кыя чабам деди дейт. Анда пайгамбарыбыз (САВ)айтты: "Ал ошентип айттыбы ээ, мен андан да кызганчаакмын" деген экен. Урматтуу туугандар эркек уй булосундогу аял затын апасынын эже карындаштарынын аялынын кыздарынын намысын башкалардан коргошу керек, кызганышы керек. Албетте жону жок кызгануу же жон жерден жалаа жабуу эмес. Аял заты назик жана биздин коргообузга муктаж. Ар эркек келип намысын тебелеп к

kechirmeni

2017-03-27 11:17:57

kechirmeni,тебелеп кетпеши керек

kechirmeni

2017-03-27 11:11:53

Чын тогунун бир Кудай бир оздору билет бирок аялы номерин милицияга неге берет. Табаа эмес тообо бирок аялында да иш бар окшойт. Кудайым ай эми не болду эки уй-було тен зыян тартты

Bubu88

2017-03-27 12:33:28

Бул окуя эркектерге майдай жаккан го эрркек эле эркек деп калышыптыр

Sagyn.91

2017-03-27 13:21:21

Ооба, кызганыш керек. Бирок чеги мн.
Тема боюнча айтсам, аялы да милициясы да туура эмес жолго барышыптыр. Ага номерин эмне учун берет. Башка эркек мн суйлошуп жатса кимдин жини келбесин, анын устуно жинди сууну да ичип алышкан турбайбы!

Krai

2017-03-27 14:14:23

Ким билет кылбаганды кылдырып болбогонду болтуруп коюш азыркы заманды тан калбайм.Бир кудай билет эмне болгонун милиция кызматкерин бир балдакчан Адам олтуруп коюш оной эмес башка аралашкан адамдар бар болуш керек отуруп чыккан адамдарды шектуу кылып мойнуна коюш оной эле болуп калбадыбы Ким билет Ким билет Ким билет

modern-group

2017-03-27 14:37:46

бул сотрудниктин чын эле аялы менен кандайдыр мамилеси барбы жокбу ал боюнча иликтесенер болбойбу балким бул сотрудниктин куноосу бардыр. Карганын козун чукугунар келбей жатабы? Саяк журсон таяк жейсин деген аталардын созу бар. дагы жакшы сотрудник экен 3кундо изилдеп таап койдунар . а так силерден 3 кундо бетин ачыш кечирип кой болчу элего. Байкашымча акыркы кундору бул оперлеринер Жума намазга дагы ушу бироону андып барып калдынар окшойт.

-2

dinar.meilibaeva

2017-03-27 15:28:47

Коз мн корбогондон кийин куноолош кыйын...

din_tomas

2017-03-27 15:56:07

Эми бул байкени түрмөдө почетный место күтүп жатат дей бергиле...

Nevestkaa

2017-03-27 17:02:39

Сөзсүз эле өлтүрүш керек дебейм бирок никеси бар туруп экөө тең туура эмес иш кылыптыр.Мен эркекмин деген адам аялын кызганып жаман кадам жасап коюшу мүмкүн .

Aitunuk

2017-03-27 17:44:42

Толук иликтенип бүтө элек ишти ММКларга маалымат иретинде берген из кубарларга, прокуратура адамдарына таң болом. Мүмкүн, такыр башка маселе боюнча өлтүрүшкөндүр, кызганч деп кутулуу жеңил болсо керек. Анан да, ошондой даражадагы адам кылмышкердин аялы менен мамиле түзбөсө керек.

-1

Omush94

2017-03-27 17:51:03

Мен деле аялыма жакындаса ошону кылмак

nurzada78

2017-03-27 21:40:35

Кудайга тооба кылдым,аялында куноо,тел номерин берген,эри бар туруп,башка эркекке неге берет!Эри дагы кызык,аялын тыйыш керек эле,аны олтуруп койбой!Эми не турмодо олтурса эри,аялы дагы башкага берет тел номерин!Кудайым адамдарга ыйман,акыл-эс берсин!

Kroxa

2017-03-27 22:38:35

Балким чын эле карызын бергенге келгендир...суйлошсо суйлошуп тургандыр..дуконго коп эле киши келип суйлошот го..ким билет??

Комментарий калтыруу үчүн өз ысымыңыз менен кириңиз же каттоодон өтүңүз.