Борбор калаада милиция “акыркы коңгуроо” рейдин өткөрүүдө

Бүгүн, 25-май күнү мектеп бүтүрүүчүлөрүнүн коопсуздугун камсыздоо максатында Ички иштер министрлигинин кызматкерлери журналисттердин катышуусунда рейд өткөрүшүүдө.

“Биз буга чейин ар бир мектепке инспекторлорду жөнөтүп, бүтүрүүчү окуучуларга түшүндүрүү иштерин жүргүзгөнбүз. Патрулдук милиция жолдордо бештен ашык унаа чогулуп айдагандарга жана салонго ашыкча жүргүнчү салгандарга мыйзам боюнча чараларды көрөт. Ал эми милициянын жаш өспүрүмдөр менен иштөө инспекциясы шаардагы эс алуу жайларында коопсуздукту сактоо үчүн бүгүн түнү бою иштейт”, - деди ИИМдин жаш өспүрүмдөр менен иштөө инспекциясынын башчысы Азамат Абдурахманов.

Автор: Илязбек Балташев
Фото: Илязбек Балташев