Бишкек ШИИББи: "Катуу ылдамдыкта бараткан мотоциклди Патрулдук милиция артынан кууган" делген маалымат боюнча текшерүү жүрүүдө"

Бишкекте "Катуу ылдамдыкта бараткан мотоциклди Патрулдук милиция артынан кууган" делген маалымат боюнча текшерүү жүрүүдө. Бул тууралуу бүгүн, 22-августта Бишкек ШИИББинин басма сөз катчысы Адыл Оморов билдирди.

Анын айтымында, жол кырсыгы боюнча Кылмыш-жаза кодексинин 281-беренеси "транспорт каражаттарынын кыймылынын жана аларды пайдалануунун коопсуздук эрежелерин бузуу" менен кылмыш иши козголду.

"Биринчи топтолгон материалдарга караганда, Патрулдук милиция кызматкерлери катуу ылдамдыкта бараткан мотоциклди көрүшүп, кайсы тарапка кеткенин билүү үчүн артынан барышкан. Азыркы тапта ал боюнча маалыматтар текшерилүүдө. Негизи жол эрежесин бузган машинаны артынан кууганга болбойт. Муну бардык эле кызматкерлер билишет. Артынан кууганга кээ бир учурларда гана уруксат. Мисалы, унаада коомго коркунуч жараткан кылмышкер баратканы анык болсо. Мотоциклдин айдоочусу жол эрежесин бузган. Аны көргөн Патрулдук милиция башка кызматкерлерге билдирүү бериш керек. Эгер чындап эле мотоциклди Патрулдук милициянын кууп баратканы аныкталса, аларга тиешелүү чара көрүлөт", - деди Адыл Оморов.

Айта кетсек, жол кырсыгы 19-августка караган түнү саат 01:30 чамасында Чүй жана Тоголок Молдо көчөлөрүнүн кесилишинде болгон. Анда Тоголок Молдо көчөсү менен бара жаткан мотоцикл Чүй көчөсүндө бара жаткан Тойота Пассо үлгүсүндөгү жеңил унаа менен сүзүшкөн. Жыйынтыгында мотоциклдин айдоочусу окуя болгон жерден каза таап, ага учкашып келе жаткан 17 жаштагы Аделина Назарова (Орзубек Назаровдун кызы) оор абалда Бишкектеги травматология жана ортопедия илим изилдөө институтуна жеткирилген. Ал эми жеңил унаадагы айдоочу жана жүргүнчү да ар кандай жаракаттарды алышкан. Окуянын күбөлөрү катуу ылдамдыктагы мотоциклди Патрулдук милиция кууп келе жатканын айтышкан.

Автор: Бекжан Рыскулов
Фото: Интернеттен алынган

09:49 22-08-2017

Жазылуу

РУБРИКАДАГЫ СОҢКУ КАБАРЛАР

10:01 2025-06-12 | Түркүн дүйнө

Москвадагы аэропорттордогу чектөөлөрдөн улам учактар башка шаарларга конду 41 0

09:58 2025-06-12 | Түркүн дүйнө

Орусия Өзбекстандын мигранттарга болгон мамилеси боюнча кайрылуусуна жооп берди 92 0

09:42 2025-06-12 | Түркүн дүйнө

Индияда үйлөнүү тойго тандалган музыканын айынан күйөө бала каза тапты 389 0

09:42 2025-06-12 | Түркүн дүйнө

Леди Гаганын концерти Гиннестин рекорддор китебине киргизилди 176 0

09:41 2025-06-12 | Кылмыштар, кырсыктар

Өлкөдө бир суткада 7 өрт кырсыгы катталды 79 0

09:38 2025-06-12 | Түркүн дүйнө

Саатына 390 сом... Кыргызстанда такси кызматынын баасы эң арзан экени белгилүү болду 180 0

Архив

Комментарийлер (8)

Atas

2017-08-22 10:21:22

Belgiluu adamdarga ele ishteisiner , bashka karapaiym adam bolgondo bashkacha bolmok

BekAmir

2017-08-22 10:32:11

Дайым эле куушат. Бул кадимки корунуш

Syn4y

2017-08-22 11:10:32

anda ka4yw kerek eken, kuuganga bolboso

tuigan.

2017-08-22 13:10:05

Кууп эле журушот дайыма

Shekeev969798

2017-08-22 13:53:19

Эми билип алжым качпасам кууп корсун арызданам хмм

tular

2017-08-23 02:20:24

Мен жеке таксистмин. Мен коргом кууганын, Мен ошол маалда "Жалал-Абад" деген кафенин алдында тургам. Алыстан мотоциклдин уну укмуштай катуу чыгып келе жаткан, артында ПМдин машинасы келе жаткан кууп... Эми камерага тартмайынча моюндарына алышпайбы эми... Мени кубо катары чакырса барып корсотмо берет элем.

tular

2017-08-23 02:21:04

SUPER.KG кантип корсотмо берсем болот?

admin_superstan

2017-08-23 09:58:18

tular, саламатсызбы! Купуя аркылуу телефон номериңизди жиберсеңиз.

Комментарий калтыруу үчүн өз ысымыңыз менен кириңиз же каттоодон өтүңүз.