Өзбек ханайымынын келбетине кыргыз интернет колдонуучулары суктанып бүтпөй жатышат (фото)

Өзбекстандын президенти Шавкат Мирзийоев жана Кытайдын президенти Си Цзиньпин жубайлары менен.

Шавкат Мирзийоев президент болгонго чейин жубайы Зироатхон Хошимова эл алдына чыккан эмес. Анын интернеттеги социалдык тармактарда да баракчалары жок.

Өзбекстандын президенти Шавкат Мирзийоев жана Кытайдын президенти Си Цзиньпин жубайлары менен.

Зироатхон Хошимованын келбети, кийинүү стили коомчулуктун көңүл чордонунда болуп келүүдө.

Чет элдик басылмалар Зироатхон Хошимованын сулуулугуна өзгөчө басым жасап жазып келишет.

Бул Зироатхон Хошимованын биринчи айым катары дебюттук сапары болду.

Зироатхон Хошимова учактан түшүп келе жатканда шамал болуп, чачы анын жүзүп жаап калып жаткан.

Кытайдагы эл аралык Шоуду аэропорту. Шавкат Мирзийоевдин Кытайга болгон иш сапарынан көрүнүш.

Зироатхон Хошимова турмушка чыккандан кийин күйөөсүнүн фамилиясына өткөн эмес. Муну менен ал атасын сүйүнткүсү келгени айтылат. Анын атасы өлкөдөгү бай жана таасирдүү адам экени айтылып жүрөт.

Өзбекстандын президенти үй-бүлөсү менен.

Өзбекстандын президентинин үй-бүлөсүнүн коомчулукка тараган биринчи сүрөтү.

Аларды президент Алмазбек Атамбаев жубайы Раиса Атамбаева менен тосуп алды.

Өзбекстандын президенти жубайы менен учактан чыгып келе жаткан учур.

Кыргыз ханайымы Раиса Атамбаева менен ардактуу кароолдо түшкөн Зироатхон Хошимованын сүрөтү учурда кызуу талкууда. Сүрөт Роман Гайнановго таандык.

Өзбекстандын президенти Шавкат Мирзийоев 5-сентябрда президент катары Кыргыз Республикасына биринчи мамлекеттик иш сапары менен келди. Өзбек башчысын жубайы Зироатхон Хошимова коштоп келди.

Кыргыз интернет колдонуучулары ханайымдын сулуулугуна, келбетине суктанып, биринчи айым учактан түшөрү менен талкуу чордонунда болду. Мирзийоевдин жубайы эл көзүнө көп чыга бербейт. Анын сүрөттөрүн интернеттен табууга дээрлик мүмкүн эмес.

Зироатхон Хошимованын биринчи айым катары дебюттук сапары 2017-жылы май айында Кытайга болгон. Учактан түшүп келе жатканда катуу шамал Өзбек ханайымынын жүзүн жаап калганына карабай видеокамералар анын сулуулугун тартып алганга жетишкенин Кытай басылмалары жазышкан. Чачын түздөп күлүп турган Зироатхон Хошимовага көпчүлүк суктанганын жашырган эмес.

Өзбекстандын биринчи айымы Зироатхон (Ойхон) Хошимова Кокон шаарында туулган. Ташкенттеги инженерлер ирригациясы жана айыл чарба механизациясы институтунда окуп жүргөндө болочок жолдошу менен таанышкан. Ал мезгилде Шавкат Мирзийоев институтта иштеп жаткан. Жубайлардын Саида жана Шахноза аттуу кыздары, Алишер (айрым маалыматтар боюнча Даврон) аттуу уулу бар.