Орусиялык мекеме Кыргыз жеринде сибирь жарасын жуктуруу окуясы катталганын орусиялыктарга эскертти

Орусиянын керектөөчүлөрдүн укугун коргоо кызматы 17-сентябрда Кыргыз жеринде сибирь жарасын жуктуруп алуу фактысы катталганын айтып орусиялыктарга эскертүү жасады.

"Эпидемиологиялык изилдөөлөр боюнча, илдет мал союуда жуккан. Аймакта карантин киргизилип окуяга байланышы барлар аныкталды. Алар медициналык көзөмөлгө алынды, оору камтыган этти жок кылуу иш-чаралары көрүлүүдө", - деп айтылат маалыматта.

Сибирь жарасы - өзгөчө коркунучтуу инфекциялык оору. Өз убагында дарылабаса илдет жуктуруп алган адамдын өлүмгө учуроо коркунучу жогору. Оору адатта малдан жугат.

Эскерте кетсек, 13-сентябрда Ат-Башы районуна караштуу Казыбек айылында 3 жаран ооруканага жаткырылып, алар сибирь жарасын жуктуруп алганы аныкталган.

Автор: Автандил Добулбеков