Дарыгер: "Бишкекте көп кабаттуу үйдөн кулап түшкөн кыз жандандыруу бөлүмүнөн которулду"

Бишкекте көп кабаттуу үйдүн төртүнчү кабатынан кулап түшкөн 22 жаштагы кыздын абалы турукташып, жандандыруу бөлүмүнөн жөнөкөй палатага которулду. Бул тууралуу бүгүн, 4-ноябрда SUPER.KG`ге Бишкек шаардык травматология жана ортопедия илим изилдөө борборунан билдиришти.

"Учурда бейтаптын абалы жакшы. Кечээ күнү жандандыруу бөлүмүнөн башка бөлүмгө которулган. Анын жаагы сынып, мээси катуу чайкалган", - деп билдиришти Бишкек шаардык травматология жана ортопедия илим изилдөө борборунан.

Айта кетсек, 2-ноябрда Бишкек шаарынын 11-кичи районундагы көп кабаттуу үйдүн төртүнчү кабатынан 22 жаштагы кыз кулап түшкөндүгү тууралуу "Тез жардам" кызматынан билдиришкен.

Автор: Кенжебай Сатканалиев