Мамлекеттик тил комиссиясы: "Министрликтердеги иш кагаздардын 17 пайызы гана кыргыз тилинде жүргүзүлөт"

Мамлекеттик тил боюнча улуттук комиссиянын төрагасы Назаркул Ишекеев

Өлкөдөгү 12 министрликтин 17-20 пайыз гана иш кагаздары мамлекеттик тилде жүргүзүлөт. Мындай маалыматты бүгүн, 30-ноябрда Мамлекеттик тил боюнча улуттук комиссиянын төрагасы Назаркул Ишекеев илимий-практикалык конференцияда билдирди.

"Өткөн жылы 12 министрликке мониторинг жүргүзүлүп, жыйынтыгында алардын 17-20 пайыз иш кагаздары гана мамлекеттик тилде ишке ашырылары аныкталды. Калган 80-85 пайыз иш кагаздар расмий - орус тилинде ишке ашат. "Кыргыз Республикасынын 2014-2020-жылдары мамлекеттик тилди өнүктүрүүнүн жана тил саясатын өркүндөтүүнүн Улуттук программасынын" алкагында мамлекеттик мекемелердин иш кагаздарын 40-50 пайызга улуттук тилде жүргүзүү аракеттери көрүлүүдө", - деди ал.

Аталган программанын билим берүү мекемелеринде аткарылышы, көйгөйлөрү жана келечеги тууралуу талкууланган иш-чарада кыргыз тилин өнүктүрүү үчүн ири программалар кабыл алынганы менен каржыланбагандыктан ишке ашпай жаткандыгы айтылды. Ошол эле учурда Кыргыз улуттук илимдер академиясына кыргыз тили тууралуу баалуу маалыматтарды топтоштуруу, жазуу үчүн ири каражат бөлүнгөн.

"Мындан сырткары Маданият, маалымат жана туризм министрлигине 8 миллион сом бөлүнүп берилген. Бул каражат дүйнөлүк классикалык адабияттарды кыргыз тилине которуп китеп чыгарууга, кыргыз тилиндеги балдар адабиятын көбөйтүүгө жумшалат. Мындан тышкары чыгармаларды сайттарга жайгаштыруу ишке ашырылат. Мектептерде, жогорку окуу жайларда кыргыз тилиндеги китептердин жетиштүү болушун камсыздоо үчүн окуу жылынын башында кыргыз тилиндеги 80 китеп жарык көрдү. Мамлекеттик программанын талабына ылайык, 2020-жылы өлкөдөгү мамлекеттик ишканалар толук түрдө кыргыз тилине өтүшү керек", - деп кошумчалады Ишекеев.

Автор: Мундуз Нурланбек уулу
Фото: Мундуз Нурланбек уулу

15:30 30-11-2017

Жазылуу

РУБРИКАДАГЫ СОҢКУ КАБАРЛАР

22:02 2025-06-30 | Түркүн дүйнө

Трамп Сирияга каршы санкцияларды жеңилдеткен буйрукка кол коёт 8 0

21:32 2025-06-30 | Коом жана турмуш

Элдин нааразычылыгын жараткан курулуш компаниясына бир апта мөөнөт берилди 246 0

21:13 2025-06-30 | Түркүн дүйнө

Актёр Вадим Демчогдун уулу эки жылга абакка кесилди 263 0

20:54 2025-06-30 | Түркүн дүйнө

Иранда Израил менен болгон жаңжалда 900дөн ашуун адам набыт болгону айтылды 273 0

20:43 2025-06-30 | Түркүн дүйнө

Түркияда токой өртүнөн улам 50 миңден ашуун адам эвакуацияланды (видео) 202 0

20:30 2025-06-30 | Түркүн дүйнө

Казакстанда коомдук жайларда никаб кийүүгө тыюу салынды 172 0

Архив

Комментарийлер (2)

Alixan-Nookat.2015

2017-11-30 15:41:56

Жакшы биринчи жанагы соттордон башташ керек сот процессинде орусча сүйлө дегендерден.

jbolotov

2017-11-30 16:56:29

Ачаны болбогон нерселерге чыгымдабай эле мамлекеттик кызматтарга кыргыз тилин билуу деген катуу талап болгондо коногубуз бий болбой калмак. Улут болсон тилин менен улутсун! Бизден башка оз тилинен уялган, оз тилин 2сорт кылган мамлекет башка жакта жок болсо керек.

Комментарий калтыруу үчүн өз ысымыңыз менен кириңиз же каттоодон өтүңүз.