Жаңы төрөлгөн ымыркайларга сүйүнчү пул бериле элек. Министрлик сүйүнчү пулду жеңил жол менен алуунун жолдорун карап жатат

Жаңы төрөлгөн балдарга сүйүнчү пул берүү боюнча мыйзам 1-январда күчүнө киргени менен, азырынча эч ким сүйүнчү пул ала элек. Бул тууралуу SUPER.KG'ге 30-январда Эмгек жана социалдык өнүктүрүү министрлигинин маалымат катчысы Кымбат Кадыралиева билдирди. Анын айтымында, учурда Эмгек жана социалдык өнүктүрүү министрлиги менен Мамлекеттик каттоо кызматы сүйүнчү пулду жеңил жол менен алуу жолдорун иштеп чыгышууда.

"Аталган эки мекеме сүйүнчү пулду алуунун жолдорун автоматташтыруунун жана болушунча жөнөкөйлөтүүнүн үстүнөн иштеп жатат. Жалпак тил менен айтканда, сүйүнчү алуу үчүн ата-эне каттоо кызматынан баланын туулгандыгы тууралуу күбөлүккө арыз берип жатып эле сүйүнчү пул алууга да арыз берип коё алат. Андан сырткары, жарандын абалдын актыларын каттоо (ЗАГС) жана калкты тейлөө борборлоруна да арыз беришсе болот", - деди Кадыралиева.

Мамлекеттик каттоо кызматынын маалыматы боюнча өлкө аймагында 363 маалыматтык киоска, 58 жарандын абалдык актыларын каттоо (ЗАГС) жана 22 калкты тейлөө борборлору бар.

Өкмөттүн 370-токтомуна ылайык, баланын жашаган жерине жараша 4 миң сомго коэффициенттер кошулмакчы. Мисалы, Кара-Кулжа районунун алыскы айылдарына 1,2 коэффициент кошулуп, берилчү акчанын суммасы 4 миң 800 сом болот. Ал эми Ат-Башы районунун эң алыскы айылдарына 1,8 коэффициент аныкталса, жалпы сумма 7200 сом болмокчу.

Министрликтин маалыматына ылайык, өлкө аймагында 2018-жылы болжолдуу түрдө 159 миң ымыркай төрөлүшү мүмкүн.

Автор: Жамалидин Парманкулов

18:27 30-01-2018

Жазылуу

РУБРИКАДАГЫ СОҢКУ КАБАРЛАР

22:02 2025-06-30 | Түркүн дүйнө

Трамп Сирияга каршы санкцияларды жеңилдеткен буйрукка кол коёт 8 0

21:32 2025-06-30 | Коом жана турмуш

Элдин нааразычылыгын жараткан курулуш компаниясына бир апта мөөнөт берилди 246 0

21:13 2025-06-30 | Түркүн дүйнө

Актёр Вадим Демчогдун уулу эки жылга абакка кесилди 263 0

20:54 2025-06-30 | Түркүн дүйнө

Иранда Израил менен болгон жаңжалда 900дөн ашуун адам набыт болгону айтылды 273 0

20:43 2025-06-30 | Түркүн дүйнө

Түркияда токой өртүнөн улам 50 миңден ашуун адам эвакуацияланды (видео) 202 0

20:30 2025-06-30 | Түркүн дүйнө

Казакстанда коомдук жайларда никаб кийүүгө тыюу салынды 172 0

Архив

Комментарийлер (11)

bond0202

2018-01-30 18:47:25

аферистер,элди качанкыга чейин алдайсынар.менин келинчегим декабрь айында тороду суйунчу пул беришкен жок,берилбейт деп эле ачык айтты

nargiz-sa

2018-01-30 19:41:53

bond0202,келинчегиниз эртерээк тороптур да 2018 январдан торолгондорго берилет дешкен. Бирок окмот мыйзамды толук иштеп чыкпай эле ишке киргизип алышты. Эми эмне деп айтышты да билбейсин

guli-1980

2018-01-30 20:41:58

nargiz-sa,2017 жылы туулгандарга да берет бирок 4000 эмес

Isco23

2018-01-30 19:26:32

Е бербейле койгулачы силерсиз деле жашоо зынк. Аларды албайле келишкен,ансыз деле жан багып туурабы?

almanbetperm

2018-01-30 20:54:05

Болгону 4 мин,400 мин бергендей суйлошот,билсенер роддомдон чыккыча 4 минден ашык жок болот,

talyan0101

2018-01-30 22:24:45

almanbetperm,Туура айтасын 100% кошулам

Nevestkaa

2018-01-30 22:45:41

Бергениңер төрт тыйын дагы ошонун жолун таппай жаман кыйналдыңар да,сүйүнчү пулду бериштин оңой жолун таппадык деп бербей койсоңор эле балээ басып.Баарына эле бирдей бергиле да бөлбөй,алыскы аймактарга көбүрөөк берилет деп сол чөнтөкө урбагыла да жаңы дүйнөгө келген наристенин ырыскысына кол салбагыла.

nazira1989

2018-01-30 22:53:40

Жолок пулга,суйунчу пулга тапшыруу учун бир тонна кагаз чогултуп,оноор эмес нервинди жукартып,окмотто иштегендер мн урушуп,акыры сениби шашпа,сенден да кыйыны бардыр деп баштаганда анан,макул бир балана мин сом,же биринчи айын бересин деп тостоюп карап туруп алышат...()

nazira1989

2018-01-30 22:58:24

Анын устуно сен иштейт экенсин,азыр декретный отпускада экенсин,иштегендерге жолок пулдун ж сы жок деп бербей коюшат.Декретте отурсак деле же жолок же суйунчу пулду корбойт экенбиз!Эээмнегэээээээ??????Уйдо озум иштесем,жолдошум иши жок болсо,кыйналып,кээде тамак-ашка тыйын таппай калып жатсам,эмнеге мен жок дегенде суйунчу пул ала албайм а???Ким жооп бере алат айткылачы...Дагы бир жолу тандырга нан жапсам ун тугонот,анан кантем...((((((((

Jamalym17

2018-01-30 23:50:05

Биз да суйунчу пулга тапшыралы деп паспорт-куболукту алып айыл окмотко барсак кабыл албай койду документтерди, озунордун участок-уйунор жок экен деп, кайынатамдар менен чогуу турабыз, ошондо уйу жоктор да албай калабы? Арабызда канчалаган жаш уй-булолор бар квартиралап жургон, ушул боюнча кимге кайрылсак болот? Админ жооп берип койгулачы сураныч

Nanei

2018-01-31 12:17:25

Качан карап бутушот,,эптеп создуктуруп убакытты ,бербей коет окшойт да

Комментарий калтыруу үчүн өз ысымыңыз менен кириңиз же каттоодон өтүңүз.