Министрлик: "Тендер аркылуу алынган 15 "Тез жардам" унаасы талаптарга жооп бербегендиктен кабыл алуудан баш тартабыз"

Өткөн жылдын декабрь айында гранттык негизде алынып келген медициналык "Тез жардам" унаалары тийиштүү талаптарга жооп бербегени үчүн Саламаттыкты сактоо министрлиги кабыл алуудан баш тартууда. Бул тууралуу бүгүн, 15-февраль күнү SUPER.KG'ге аталган министрликтин Медициналык жардам жана дары-дармек саясаты башкармалыгынын жетекчиси Саматбек Тойматов билдирди.

Тойматовдун айтымында, медициналык "Тез жардам" унаалары өткөн жылдын декабрь айында өлкөгө келишимде көрсөтүлгөн убакыттан кечиктирилип алынып келген. Учурда унаалар автобазада токтотулуп турат.

"Унаалардын Бишкек жана Ош шаарларына бөлүнүүсү каралган. Өлкө аймагындагы чукул медицинаны өнүктүрүүгө багытталган келишим Саламаттыкты сактоо министрлиги менен Немис-өнүктүрүү банкы ортосунда 2008-жылы түзүлгөн. Анын негизинде гранттык акча каражаты бөлүнгөн. Биринчи бөлүгүнө медициналык керектүү жабдууларды сатып алганбыз. Ал эми калган акча каражатка медициналык "Тез жардам" унаасын алууну чечип, тендер жарыялаганбыз. Тендерди чет элдик Dutch Health BV компаниясы утуп алып, өткөн жылдын 24-март күнү расмий келишим түзүлгөн. Ал келишимде бизге керек болгон унаалардын бүт талаптары толугу менен жазылган. Аталган компания келишимге ылайык, унааларды 2017-жылдын июнь айында алып келишсе, биз аларды бир айдын кийин ишке киргизишибиз керек болчу. Бирок унаалар ар түрдүү себеп менен кечиктирилип жылдын соңунда декабрь айында араң алынып келген", - деди Тойматов.

Айта кетсек, унааларды кабыл алууда атайын Саламаттыкты сактоо министрлиги тарабынан комиссия түзүлүп текшерген. Натыйжада келишимде көрсөтүлгөн бир нече талаптар аткарылбаганы аныкталган. Талаптардын бири болуп - унаанын ичи бейтапка жардам көрсөтүүгө, ичин бат-баттан тазалап жууп турууга ыңгайлашкан каражаттардан жасалуусу керек деген болгон. Бирок ал унаалар бул талаптарга жооп бербей калган. Ошол себептен унааларды аталган министрлик кабыл алуудан баш тартууда.

"Гранттык негизде бөлүнгөн акча каражаты биздин эсепке түшкөн эмес. Бирок азыркы маалыматтарга ылайык, унаалардын 80 пайыз акчасы төлөнүп, 20 пайызы калган экен. Биз аталган унааларды кабыл алууда баш тартабыз. Мүчүлүштүктөрүн жоюп берүүсүн талап кылып ушул жылдын 28-январь күнү аталган компаниянын өкүлү Эрнис Асанов менен жолугушуу өткөргөнбүз. Убадаланган унаалардан жооп жок. Буга чейин да кат жазганбыз. Министрдин атынан төлөнгөн акча каражатын кайтарып берүү өтүнүчү менен кат жиберип, учурда жооп күтүп жатабыз", - деп кошумчалады Тойматов.

Автор: Айнуска Жороканова

18:24 15-02-2018

Жазылуу

РУБРИКАДАГЫ СОҢКУ КАБАРЛАР

18:13 2025-07-05 | Түркүн дүйнө

Трамп TikTokту сатып алуу келишими даяр экенин айтты 383 0

17:10 2025-07-05 | Коом жана турмуш

Таңкы рейдде Оштун мэри дагы бир көчөгө асфальт басууну чечти (видео) 704 0

16:05 2025-07-05 | Коом жана турмуш

Көтөрүп алып чуркап... Бишкекте потрулдук милиция эсин жоготкон кызга жардам берди (видео) 1129 0

15:23 2025-07-05 | Кылмыштар, кырсыктар

Бишкекте 70 миң доллар опузалаган жаран 5 миң алып жатып кармалды (видео) 1184 0

14:42 2025-07-05 | Түркүн дүйнө

Түркияда коррупциялык иштерге байланыштуу дагы үч мэр кармалды 575 0

14:17 2025-07-05 | Саясат

Садыр Жапаров: "Орус тилисиз биз Кыргызстандан алыс чыга албайбыз" 1151 0

Архив

Комментарийлер (4)

jbolotov

2018-02-15 19:18:45

Башкысы сапаттуу Тойотабы же Спринтерби ошонусуна карабайбы, антбесе алган машиналары бир жылда тынчып калып атат. Кытайлык жана Россиянын УАЗдары. Бат бат жууганга ынгайлуу эмес экен ошондуктан баш тарттык дегени бир шылтоо же келесоолукго.

Almaz_kg

2018-02-15 23:48:15

jbolotov,
Согуш чыкпасын деп коркуп газыбызды алдырып олтурабериш керекпи.. күйдүрөсүңерда

-1

Dalil

2018-02-15 21:36:21

Тендер менен алуу негизи туурабы? Тендердин талабы боюнча мүмкүн болушунча арзан варианты тандалат. Бирок сапаты көбүнчө талапка жооп бербейт. Тендерге катышкандардын ичинен кимиси акчаны көбүрөөк сунуштаса ошонун проектиси өтөт. Андайларды көрүп эле жүрөбүз.

jbolotov

2018-02-15 22:37:47

Dalil,Тендерди кааласа эн сапаттуусу керек деп жазсада болот. Ар бир тендерге озун каалагандай шарт койсо болот.

Комментарий калтыруу үчүн өз ысымыңыз менен кириңиз же каттоодон өтүңүз.