Дүйнөдөгү эң түрү суук ит аныкталды

АКШда дүйнөдөгү эң түрү суук итти аныктаган сынак өтүп, анда англиялык бульдог тукумундагы Жа-Жа аттуу ит жеңүүчү деп табылды. Бул тууралуу чет элдик басылмалар жазып чыкты.

Маалым болгондой, түрү суук деп табылган иттин ээсине 1 жарым миң доллар акчалай байге берилген. Иттин кожоюну Жа-Жаны сайт аркылуу тапкан. Кожоюн иттин тилинин узундугу анын өзгөчөлүгү деп белгилеген.

Белгилей кетсек, аталган сынак АКШнын Петалума шаарында 30-ирет өткөрүлгөн. Ал эми баш байге үчүн 14 ит ат салышкан. Сынактын уюштуруучулары бардык жаныбарлар сырткы келбетине карабай камкордукка алынышы керектигин, алар кароого муктаж экендигин айткысы келерин билдиришкен.

Автор: Бактыгүл Момбекова