Кыргыз курамасы Москва облусунун курама командасын 23:6 эсебинде утуп финалга чыкты

Ысык-Көл облусунун Бактуу-Долоноту айылындагы борбордук ат майданда Дүйнөлүк көчмөндөр оюндарынын алкагындагы көк бөрү боюнча мелдештин жарым финалдык беттештери орун алууда.

Оюн талаасында "А" тайпасынан Кыргыз курама командасы, "В" тайпасынан Москва курама командасы беттешип жатат. Учурда эсеп 10:2 болуп Кыргыз курамасы алдыда келе жатат.

16: 38. Биринчи таймдын тыныгуусу аягына чыгып, экинчи тайм башталды. Оюн башталары менен эсеп саны алмашты. Тактап айтканда, кыргыз улакчылары атаандаштарынын тай казанына бир улак таштап, эсепти 11ге айланта алышты. Кыргыз улакчылары дагы бир улак таштап эсеп 12:2 болду.

16:45. Көк бөрү беттеши кызуу жүрүүдө. Эсеп бат-баттан алмашып, учурда Сейитбек Анарбек уулу, Манас Ниязов, Аскат Аскаровдун ийгиликтүү улак ташташы менен эсеп 17:2ге айланды.

16:49. Москвалык оюнчулар Кыргыз курама командасынын тай казанына улак таштай албай жаткандыктан, кыргыз улакчы Таштемир Майлыбаев өз тай казанына улак салып коюу аракетин көрдү. Бирок анысы ишке ашкан жок.

16:50. Москва командасы чабуулду ийгиликтүү жыйынтыктап эсепти 17:3кө айлантышты. Көп убакыт өтпөй, Сейитбек Анарбек уулу Москва командасына жооп кайтарып эсепти 18:3кө айландырды.

16:55. Кыргыз улакчылары каршылык көрсөтпөй атаандаштарына улак таштоого мүмкүнчүлүк беришүүдө. Азырынча Москва командасы ал мүмкүнчүлүктү пайдалана элек.

16:56. Оюндун экинчи бөлүгү 19:3 эсеби менен аягына чыкты. 10 мүнөттүк тыныгуудан кийин беттеш уланат.

17:05. Кыргыз-Москва беттешинин үчүнчү бөлүгү башталды.

17:11. Эсеп 20:3кө айланды. 20-улакты Сейитбек Анарбек уулу таштады.

17:12. Бир мүнөт өтпөй кайрадан кыргыз улакчылары эсепти 21:3кө жеткире алышты.

17:15. Эсеп өзгөрдү. Кыргыз курамасынын команда капитаны Марлис Койгелдиев эсепти 22:3 кыла алды.

17:17. Рустам Тыналиев улакты атаандаштарына берип, эсеп санын өзгөртүүгө мүмкүнчүлүк берди. Ал эми москвалык улакчылар бул мүмкүнчүлүктү экинчи аракетинен колдоно алды. Эсеп 22:4.

17:21. Уланбек Насыкеев улак менен, кыргыз улакчылар атаандашын айланып ойнотуп жатат. Ал эми майдандагы көрүүчүлөр улакты москвалык улакчыларга мүмкүнчүлүк берүүнү суранып жатышат.

17:22. Кыргыз улакчылар элдин сурануусун аткарып москвалыктарга мүмкүнчүлүк берди. Москвадан келген улакчылар эсепти 22:4кө айлантты. Улактын ээси Айбек Турдукулов болду.

17:25. Ахилести минген Айбек Темирбаев эсепти өзгөрттү. Эсеп 23:5. Бул улак анын үчүнчү улагы болду.

17:27. Акыркы секундалар саналып баштады. Кыргыз улакчылар атаандашына дагы бир мүмкүнчүлүк берип оюндун аягында эсеп 23:6 болду. Калыстын ышкырыгы жаңырып, оюн аягына чыкты.

Автор: Нурсултан Нурболот уулу
Фото: Нурсултан Нурболот уулу

17:27 06-09-2018

Жазылуу

РУБРИКАДАГЫ СОҢКУ КАБАРЛАР

18:25 2025-05-09 | Коом жана турмуш

"Ала-Тоо" аянтында Улуу Жеңиш майрамына карата концерт өтүп жатат 411 0

17:27 2025-05-09 | Супер-Инфо

Айгерим Эшим, ырчы: «Ырым сөзсүз хит болушу керек дебейм» 260 0

16:22 2025-05-09 | Супер-Инфо

Геморрой жана анын түрлөрү 319 0

15:50 2025-05-09 | Коом жана турмуш

Кызыл аянтта Кыргыздын Улуттук гвардиясы параддан өттү (видео) 1334 0

15:35 2025-05-09 | Коом жана турмуш

Парад, оюн-зоок, "Өлбөс полк"... Ошто Жеңиштин 80 жылдыгы салтанаттуу белгиленди 440 0

15:22 2025-05-09 | Түркүн дүйнө

Москванын Кызыл аянтында Жеңиш парады өттү 861 0

Архив

Комментарийлер (11)

Samat777

2018-09-06 16:45:51

Бул да аздык кылат

-1

Shekeev969798

2018-09-06 16:52:07

Орустар Улак тартабы))

-1

Jango

2018-09-06 17:04:46

Жок менин угушум бойунча москвадагы кыргыздар бир команда болуп барышкан деп уктум

-1

Jyrgal_msk

2018-09-06 17:59:40

Москвадан барган команда чон улактарда байге алып жургон кыргыздын жигиттери болсо керек.Неге жакшы ойной алышпады?

-1

Kymbatym

2018-09-06 19:03:10

Jyrgal_msk,биздин Кыргызстандын курамасы не байге албай не эшек такалап жүрүшкөнбү?биздин кумама дагы күчтүүлөр топтолгон Казактар корккон Манас Ниязов турса командада москвалыктар эмне болуп калыптыр москвалыктарга улакты карматпай итке сөөк ыргытпай артынан сагалаткандай эле жүгүртүрдү го москвалыктарды

Kabyl-97

2018-09-06 17:59:50

бүгүн футболдон жеңиш күтөбүз Алга Кыргызстаным

murat17

2018-09-06 19:44:32

Kabyl-97,туура футболдон жениш кутобуз кош жениш болот ошондо

adila_suimonkul

2018-09-06 18:02:42

казактар оздорунун аттары менен ойноп жатабы айтып койгулачы

Rasul94

2018-09-06 18:38:11

Не тиги команда эшектер менен чыгыштыбы.ондурбапыр

-2

Kymbatym

2018-09-06 18:57:03

Кыргызстандык Кыргыздар менен чет өлкөлүк кыргыздардын оюну болдуда жергиликтүү кыргыздар азаматтар москвалыктарга ким кыйын экенин көрсөтүп коюштуу москвалыктардын алдынкы 2упайын биздин жигиттер атайын эле салдырып коюштуу даана көрүнүп турдуу тоскоолдук кылбаганы москвалык кыргыздар өлкөсүнө ыйлабай кетишсин баарынанда биздин жигиттер бири бирине улакты берип москвалыктарды жаман ойноттуу го

monster_high_98

2018-09-06 19:01:46

Менимче Москванын жарандыгын алган кыргыздар!Орустардын кок бору менен иши да жок!Эртеден кечке иштешсе буларда кайдагы машыгуу,, татыктуу оюн коргозушту!

-1

Комментарий калтыруу үчүн өз ысымыңыз менен кириңиз же каттоодон өтүңүз.