"Кыргыздын Эмгек сиңирген артисти" наамын алган куудул Абдылда Иманкулов "Берилбей калгандан көрө, кеч болсо дагы алдым" дейт

31-декабрда өлкөнүн социалдык-экономикалык, интеллектуалдык жана руханий потенциалын өнүктүрүүгө олуттуу салым кошкон инсандарга мамлекеттик сыйлыктарды берүү тууралуу жарлык чыкты. Ага ылайык куудул Абдылда Иманкуловго "Кыргыз Республикасынын Эмгек сиңирген артисти" наамы ыйгарылды.

Көп жылдан бери куйкум тамашалары менен элге күлкү тартуулап келген куудулду сыйлыгын куттуктап байланышка чыктык.

"Мен наам бербей койдуңар деп таарынган, наам бердиңер деп кубанган жаштан өтүп калдым. Наам алат элем деп чуркаган дагы эмесмин. Берилбей калгандан көрө, кеч болсо дагы алдым. Угушума караганда, наам президентибиздин жеке өзүнүн буйругу менен берилип жатат. Жарлыкка эми кол коюлду, наамды колубузга 15-январда тапшырса керек", - дейт Абдылда Иманкулов.

Сыйлыкка ээ болгондордун арасында театр жана кино актрисасы Таалайкан Абазова, концертмейстер Саид Бекмуратов, ырчы Канымжан Жаманбаева, манасчы Рысбай Исаков, режиссёр Сакыбек Карабаев, Муратбек Рыскулов атындагы Нарын облустук академиялык музыкалык драма театрынын артисти Жумакун Маадемилов, Токтогул Сатылганов атындагы Кыргыз улуттук филармониясынын Кара Молдо Орозов атындагы эл аспаптар оркестринин солисти Гүлнара Өмүрзакова бар.

Актриса Таалайкан Абазова наам алгандыгы тууралуу угуп алгач ишенбегенин айтат.

"31-декабрда иним чалып "Эже, сизге Эмгек сиңирген артист" наамын беришиптир деп уктум" деп айтып калды. Мен ишенген жокмун. Себеби ал өзү дагы ишенимсиз айтты. Анан арадан 1 саат өтпөй эле режиссёр Таалайбек Кулмендеев чалып куттуктаганда гана толук ишендим. Мен үчүн күтүүсүз болду. Кечээ Жаңы жылды, мүчөл жылымды белгилеп жана наам берилгени биз үчүн чоң майрам болду. Актёрлор Альбина Имашова менен жолдошу Арнис Кыдырмышевдер дагы чалып куттукташты", - дейт Абазова.

Автор: Жаңыл Ниязбекова

07:32 02-01-2019

Жазылуу

РУБРИКАДАГЫ СОҢКУ КАБАРЛАР

23:40 2025-05-08 | Түркүн дүйнө

Жаңы Рим папасы шайланды 836 0

22:56 2025-05-08 | Саясат

Садыр Жапаров Жеңиш парадына катышуу үчүн Москвага барды 988 0

18:29 2025-05-08 | Маданият, шоу-бизнес

Рэпер Улукманапо кырк жылкылуу болду 883 0

18:25 2025-05-08 | Түркүн дүйнө

Молдовада депутаттар жыйынга баатырлардын портреттери менен келишти 1107 0

18:09 2025-05-08 | Түркүн дүйнө

Москвада Путин менен Си Цзиньпин жолугушту 1332 0

17:42 2025-05-08 | Спорт

Намангандагы велоспорт мелдешинде кыргызстандык команда медаль утту 642 0

Архив

Комментарийлер (14)

Nurislam2016

2019-01-01 15:50:17

Super.kg неге супер инфонун жаны саны чыкбай жатат

admin_portal

2019-01-01 20:51:45

Nurislam2016, саламатсызбы! Гезиттин жаңы саны эртең чыгат.

-2

KAYRATBEK

2019-01-01 16:34:39

Абдылда Иманкулов агай чыныгы куудул. Кудулдардын арасынан озгочо талантка ээ. Чыныгы эмгек синирген артист. Ушул маалга чейин наам алгандардын ичинен эн татыктуусу Абдылда озу айтмакчы (Абдулла)аке.

+14

Maksattarga-karai

2019-01-01 17:13:27

Олгондо эле окурбой,тируусундо да баркына жетсе болот экен го!?
Агай,сиз кайталангыс талантсыз!
Бул сыйлык мурун эле берилуусу керек эле

Tolkun555

2019-01-01 17:43:23

Сыйлыкка татыктуу куудул.Эч болбосо кеч болсун .деген соз бар беле?

eduardali

2019-01-01 23:37:13

Абдылда Иманкуловко Кыргыз Эли эчак эле жакшы наам берип койгон.

Safiya91

2019-01-02 08:48:30

Мерген Турган байкеге да берип койсо соопко калат болчу.

Dembele84

2019-01-02 09:02:52

Эми кичине эмгеги синген инсандарга наам берилиптир.Атамбаевдин маалында ити питине чейин бере берип,наамдын баркын кетирип бутушкон болчу

kechirmeni

2019-01-02 10:03:28

01.01.2019 Ошто Абдылданын концертине бардык жакшы болду аябай, ошондо Абдылда озу айтты: Мен наам алганымы билбедим, кутуусуз болду,башкалардан уктум дегендер калп, себеби сага чалып, наамга корсотулдунуз,документ тапшырыныз деп айтат экен. Анан коп документ тапшырып чуркайт экенсин деп. Не болсо да наамдары кут болсун!

meni_kut

2019-01-02 11:53:16

kechirmeni,туура. Абдылда аганы Мискенбай коркутуп журуп эле ала албады окшойт.Туз эфирде коркуткан болчу Мискенбай беш алты жигити мн

kechirmeni

2019-01-02 12:18:54

Менимче буга чейин берилбей жургонунун себеби президент жана анын наамдар боюнча комитетинин куноосу деп ойлойм, кантип элге чыныгы эмгеги синген адамдарга берилбейт да биз тааныбаган эле бироолорго бериле берет. Бул жерде коррупциянын да жыты бардай. Абдылданын айтышы боюнча Жээнбеков озу сунуш кылыптыр ушу кишиге наам берилиши керек деп

munar1980

2019-01-02 14:12:47

Азамат экен биздин Прездентибиз Абдылда Иманкуловко давноо берилиш керек эле Кут болсун .

tagokg

2019-01-02 14:56:59

Карамолдо болуп чогуу жазылат.

guli-1980

2019-01-02 21:59:50

Канымжан Жаманбаева кайсы уну мн алды

-1

Комментарий калтыруу үчүн өз ысымыңыз менен кириңиз же каттоодон өтүңүз.