Ошто жеңеси тарабынан сабалып каза болду делген 2 жашар баланын атасы аны жерге берүү үчүн Орусиядан учуп келди

Ош облустук ооруканасына жеңеси тарабынан катуу сабалып, өлүү жеткирилди делген 2 жаштагы наристенин атасы аны жерге берүү үчүн Орусиядан учуп келди. Бул тууралуу бүгүн, 12-январда Ош шаардык Социалдык коргоо башкармалыгынын үй-бүлө жана балдарды коргоо бөлүмүнүн башчысы Гүлзина Раева SUPER.KG'ге билдирди.

Раеванын айтымында, баланын жансыз денесин атасы төрөлүп-өскөн Жала-Абад облусундагы айылдардын бирине алып кетишкен.

"Окуяны уккандан кийин дароо эле биздин кызматкерлер баланы өлтүрдү делген келин жашаган үйгө бардык. Ал жерде дагы 5 бала бар экен. Төртөө ошол келиндин балдары, дагы бирөө сабалып каза болгон наристенин бир тууганы. Кароосуз отурушкандыктан туугандарына айтып, шаардагы "Боорукерлик" реабилитациялык борборго алып келдик. Бүгүн эртең менен кылмышка шектелген келиндин күйөөсү, атасы келди. Биз аларга түшүндүрүү иштерин жүргүзүп, балдарды кайтарып бердик.

Ал эми каза болуп калган баланын атасы 27 жашта. Аялы менен ажырашып кетип, 5 жана 2 жаштагы балдарын агасы менен жеңесине таштап Орусияга иштегени кеткен. Баланын апасы тууралуу азырынча маалыматтар жок", - деди Раева.

Буга чейин каза болгон 2 жаштагы наристе тарбияланган үй-бүлөнүн турмуш шарты начар экендиги, шектүү келин базарда алма сатып иштесе, күйөөсү араба түртүп тиричилик кылышканы маалымдалган.

Окуя тууралуу айта кетсек, 10-январь күнү Ош облустук ооруканасына жеңеси тарабынан катуу сабалып 2 жаштагы наристе келип түшкөн. Дарыгерлер анын ооруканага чейин эле каза болуп калганын аныктап, милицияга кабарлашкан. Шектүү катары кармалган 30 жаштагы келин аны шымына сийип койгону үчүн тарбиялоо иретинде уруп койгонун айткан. Бул боюнча Кылмыш-жаза кодексинин 138-беренеси (этиятсыздыктан адам өлүмүнө алып келген оор залал келтирүү) боюнча кылмыш иши козголду. Шектүүнүн баш коргоо чарасы каралып, тергөө-иликтөө иштери аяктаганга чейин 2 айга камакка алынды.

Автор: Кызжибек Раимова

07:32 13-01-2019

Жазылуу

РУБРИКАДАГЫ СОҢКУ КАБАРЛАР

18:20 2025-06-14 | Коом жана турмуш

Замандын талабындагы китептер: Кызыгуу, тандоо жана тренд 1083 0

17:41 2025-06-14 | Коом жана турмуш

Кулубаев Оман Султандыгынын тышкы иштер министри менен сүйлөштү 439 0

16:55 2025-06-14 | Түркүн дүйнө

Израил Ирандын негизги илимпоздорун жок кылганын билдирди 2011 0

15:36 2025-06-14 | Коом жана турмуш

Ошто турак үйдөн өрт чыгып, 63 жаштагы аял каза тапты 694 0

15:31 2025-06-14 | Бизнес-Инфо

Алдыңкы клубдар, катуу матчтар, ысык оюн талаасы – O!TV'да FIFA Дүйнөлүк Клубдук кубогу 328 0

15:17 2025-06-14 | Түркүн дүйнө

Арасында Кыргызстан дагы бар... Air Arabia авиакомпаниясы каттамдарын убактылуу токтотту 1926 0

Архив

Комментарийлер (14)

rejepova

2019-01-12 18:31:23

Жаш эле уйлонуп алып,балага болгон камкордук жок,ортодо балдарга эле кыйын болуп жатат,убалы кимге наристелердин????

fanatka19

2019-01-12 19:57:33

базарда алма сатып 4 баласын аран багып журсо анан ага 2 жашар баласын таштап койгон атасына бали. баланын ата энеси суралсын .

evidens

2019-01-12 20:19:22

fanatka19,кызыксынго ишенгеним деп агасына таштап атса ...

fanatka19

2019-01-12 21:29:57

evidens,акча учун 2 жашар баласын таштап россиялап кетпей кыргызстанда деле нан таап жесе болот. кукук энесине го соз жок 2 жашар баласын таштап кантип басып кетти? энеси таш боор болсо женеси кыйратып карамак беле?.

-3

meni_kut

2019-01-12 21:22:19

fanatka19,акча салып турган атасы, анан созсуз олтуруш керек беле колун сынгыр онбогон аял

fanatka19

2019-01-12 21:27:55

meni_kut, 30 декабрьда кетсе каяктан салат акча? айлык алганга да жетишпесе керек.

-2

Eli.91

2019-01-12 23:37:36

2 баласын таштап кетиптир деп жазып жатбайбы.Бири каза болгон бала дагы бири ошол келиндин колунда экен.Барсак 5 бала бар экен 4 озунун баласы бироо каза болгон баланын бир-тууганы деп жататго.Аллахым эми наристени бейиштин кушу кылсын.Апасынада даба жок экен кантип таштап басып кете берди деймда?Баланын апасында сурака алуу керек.Негизи бала 18 жашка чыкканга чейин эненин колунда болуу керекго.Бироого кор бала бироого болсо зар бала эх арман дуйно.Чырактай балдарын карап энесорой уйдо отурбайбы

dina

2019-01-13 02:37:44

Сийип, чычканды билбеген баланы таштап акча дегенде узун туурасынан тушкон энелер жакшылык корбойт, ушундай турмушка кептеп бала торолгончо башын иштетпеген аталарга наалат.

Jasa

2019-01-13 03:54:27

Апасы эмне кылып журот ыя мерез,озунун апана таштасан 100 жолу зв этесин, бул кандай аял болду экен авысынга ишенген.

Aitik

2019-01-13 06:28:16

Социалдык жетишсиз болуп жатат..
Нервди сакташ керек

-2

Komrad

2019-01-13 08:03:31

Баары тарбиядан чон ата таятасында

-2

Jazhoo-soonun

2019-01-13 10:14:20

Каяктагы тукурукко мыйзам чыгарбай ушуга окшлгон орчундуу койгойлорго мыйзам чынарса жакшы болоор беле."бала жок дегенде 5 жашка чейин энесинин гана камкордунунда болсун"деген озундун 2балана аран чыдайсын азыр 6 бала м.н байкуш кыйналган го

Nur777

2019-01-13 10:20:40

Байкуш бала..журогум ооруп турат.
Баланын жайы жаннаттан болсун.

Aikaaaa

2019-01-13 15:14:52

Балким, ата сөрөйү өзүм багам деп, энесин кууп чыккандыр

Комментарий калтыруу үчүн өз ысымыңыз менен кириңиз же каттоодон өтүңүз.