Бишкекте бал жарманкеси ачылды

Жарманкеге коюлган балдар

Бал таза же кошулмасы бар экендигин кээ бир кардарлар ушинтип текшерип жатышты

Аарылар ушул чөптөрдөн бал чогултушат экен

Бул зат "Пыльца" деп аталат. Эндокринологиялык ооруларга жана унутчаактыкка жакшы жардам берет

Момдон жасалган шам

Балчылар Кыргызстандын ар кайсы райондорунан келишиптир

“Кыргыз бал челекчилер биримдиги” коомдук бирикмесинин президенти Казим Каракетов: "Таза бал ушинтип чоюлушу керек"

Ак түстөгү бал. Бул жалаң гана эспарцет чөбүнөн чогултулган бал

Жарманке учуру

Өлүп калган аарылардан жасалган дары

Өлүп калган аарыларды кургатып дары жасашат экен

Кардарлардын көбү орус улутундагы адамдар экенин байкадым

Накта бал ушинтип үзүлбөй чоюлушу керек экен

Бул ичимдик "Медовуха" деп аталат. Бул да бал алууда жасалат

Момдон жасалган шамдар

Жарманкеге балдын түрү коюлган

Жарманкенин катышуучусу

Жарманкеге балдын түрлөрү коюлган

Бал чогултулганына көп убакыт болгон соң, ушинтип катуу боло баштайт

"Пыльца" деп аталган затты да аарылар чогултат. Бул зат иммундук системди жакшыратат экен

Колдонулган кашыктарды ушундай стакандарга ыргытуу керек экен

Жарманкеде балды ооз тийип көрүү бекер, ал үчүн атайын бир жолу колдонулуучу кашыктар коюлган

Жарманкеден бир учур

Жарманкеде 1 килограмм бал 250 сомдон сатылууда. Бирок соодалашып, бааны түшүрсө болот

Жарманкеде мом да сатылып жатыптыр

Ал эми бул зат ашказан оорусуна жакшы экендигин балчылар айтышты. Аны алар "обрезка" деп аташат экен

Жарманкеде прополис да сатылууда

Табигый, таза бал

"Колечка" тобу ары-бери өткөн элди жарманкеге чакырып, ырдап, бийлеп жатышты

Жарманкени “Кыргыз бал челекчилер биримдиги” коомдук бирикмесинин президенти Казим Каракетов ачты

Жарманке Бишкектеги Абдылас Малдыбаев атындагы Опера жана балет театрынын аянтында өтүүдө

Бишкектеги А.Малдыбаев атындагы Опера жана балет театрынын алдында бүгүн, 14-августта бал жарманкеси ачылды. Быйыл 25-августка чейин улана турган бул иш-чараны “Кыргыз бал челекчилер биримдиги” коомдук бирикмеси 3 жылдан бери уюштуруп келет. Бирикменин башчысы Казим Каракетов билдиргендей, жарманкеге 25тен ашуун балчылар катышууда. Максаты – шаардыктарга сапаттуу, табигый бал азыктарын тартуулоо жана эл арасында таза балды колдонууну жайылтуу. “11 күнгө уланчу жарманкеге Нарын, Ысык-Көл, Жалал-Абад облустарынан балчылар келишкен. Бул жерде жалаң таза, кошулмасыз балдар сатыкка коюлуп, баасы да базардагыдан арзан. Иш-чара күн сайын саат 09:00дөн 18:00гө чейин уланмакчы. Сатуучулар соода гана кылбастан, кардарларга балдын пайдасы тууралуу маалымат беришет. Ошондой эле жетим балдарга арналган кайрымдуулук акциясы өткөрүлүп, аларга 50 килограмм бал акысыз берилип, бекер концерт уюштурулат”,- деди Каракетов.