“Орёл и Решка”: Кыргызстандын туризм тармагындагы көйгөйдү көрсөткөндө

Украинанын белгилүү “Орёл и Решка” телеберүүсү бул жолу Кыргызстанга келди. Көрсөтүүнүн эрежеси боюнча катышуучулар тыйын ыргытышат. Бири 100 долларды 2 күнгө жеткирсе, экинчиси чектелбеген суммадагы каражатты сарптап эс алат.

Телеберүүдө Кыргызстандын тоолорунун кооздугу, салты, маданият жана меймандостугу көрсөтүлгөн. Бирок катышуучуга койдун союлушу, баштын этин жедиргени, бүркүттүн түлкүнүн көзүн чукуганы алгач жакшы таасир калтырган эмес. Ал эми экинчи катышуучу Бишкекте 100 доллар менен бардар адамдай жашаганын айткан.

Мындан улам Кыргызстандын туризм тармагын ар тараптуу өнүктүрүүгө кез келгендигин айтууга болот. Кыргыз коомчулугунда зор талкуу жараткан көрсөтүүнүн алып баруучусу бөтөлкөгө катып кеткен 100 долларды издегендер да көп болду.