Гүлнара Каримовага уюшкан кылмыштуулук боюнча кылмыш иши козголду

Өзбекстандын Башкы прокуратурасы 8-сентябрда "уюшкан кылмыштуу топтун мүчөсү" деп шектелген Р.Мадумаров, Г.Авакян жана Н.Содиковдун иши боюнча жүргүзүлгөн тергөөнүн жыйынтыктарын расмий сайтына жайгаштырды.

Маалыматка караганда, аты аталган жарандар 2011-2013-жылдары ишкерликке жамынуу менен көз боёмочулук, алдоо жана жасалма документтер аркылуу мыйзамсыз аракеттерди жасап, мамлекетке ири өлчөмдө зыян келтиришкен.

Уюшкан кылмыштуу топтун мүчөлөрү мамлекеттик активдердин баасын жасалма түрдө ылдыйлатуу жана башка ыкмалар менен «Узбекистон хаво йуллари» Улуттук авиакомпаниясынын 5,5 миллиард сум, «Coca Cola Ichimligi Uzbekiston Ltd.» компаниясынын 11,9 миллиард сум, «Ферганский НПЗ» ишканасынын 40,1 миллиард сумдук өлчөмдөгү активдерин ээлеп алышкан.

2014-жылдын 24-майында Р.Мадумаров, Г.Авакяндын иши боюнча соттук отурум орун алып, аларды сот күнөөлүү деп тапкан. Ал эми иштин бир бөлүгү, анын ичинде Гүлнара Каримовга байланышкан иш бөлүнүп, кайра тергөөгө жөнөтүлгөн. Тергөө амалдарынын жүрүшүндө мамлекетке 457 миллиард сум зыян келтирилгени аныкталган.

Өзбекстандын президентинин кызы Гүлнара Каримовага карата козголгон кылмыш иши сотко качан өткөрүлөрү жана фигуранттарды канча жылдык жаза күтүп турганы тууралуу маалымат жок. Президенттин кызы өзү жаздырган кабарларда ал дагы эле үй камагында отурганы айтылат.

Автор: Айпери Ганыжан кызы

18:33 11-09-2014

Жазылуу

РУБРИКАДАГЫ СОҢКУ КАБАРЛАР

18:43 2025-04-30 | Бизнес-Инфо

Bakai Bank менен Кыргыз футбол союзу кызматташтык тууралуу келишимге кол коюшту 39 0

18:28 2025-04-30 | Коом жана турмуш

Ошто мыйзамсыз ташылып бара жаткан ташбакалар аныкталды 227 0

17:54 2025-04-30 | Коом жана турмуш

Жапониядагы окуу жай документтерди кабыл алууда 169 0

17:53 2025-04-30 | Түркүн дүйнө

Индияда мейманканада өрт чыгып, 14 адам каза болду 197 0

17:51 2025-04-30 | Коом жана турмуш

Кыргызстандагы Ozon’дун товар жүгүртүүсү дээрлик 4 эсе өстү 149 0

17:27 2025-04-30 | Коом жана турмуш

Борбор калаада 3 күн бою жарманке өтөт 175 0

Архив

Комментарийлер (6)

elgiz0890

2014-09-11 21:01:34

каримов президентке татыктуу адам мандаттына кыянат кылбаганы корунуп турат

-8

nagi82

2014-09-12 08:29:46

Кандай татыктуу элге ушундай законду кучтуу кармаган эл башчы келет экен ээ биздикилер сабак алышса болот экен

janul

2014-09-12 12:07:36

Мына сагаааааа... ушундай олко башчы керекда бизге

nasi81

2014-09-12 12:35:34

Азамат Каримов.

mi-li-na

2014-09-12 12:50:35

Тартип бар жерде закон иштейт. Каримов адилеттуулук кылыптыр, таза киши экен, болбосо оз канынан жаралган кызын соттоп коймок беле? Биздин бийлик сабак алышы керек экен Каримовдон.

tursunbaev2004

2014-09-12 23:47:12

Оз канынан жаралган кызы озуно каршы чыкса ким соттобойт?

Комментарий калтыруу үчүн өз ысымыңыз менен кириңиз же каттоодон өтүңүз.