СУПЕР-ИНФО
- Саясат
- Шоу дүйнө
- К-рор дүйнөсү жана корей тасмалары
- Маданият
- Иликтөө
- Турмуш
- Крим-инфо
- Спорт
- Жан дүйнө
- Түркүн дүйнө
- Алтын балалык
- Укуктук кеӊеш
- Илим жана техника
- Ден соолук жана сулуулук
- Психология жана үй-бүлө
- Тиричилик, бизнес
- Ашкана сырлары
- Жылдыз төлгө
- Маалымдама
- Супер-Инфо 20 жашта
- Көз караш
- Эмгек жарчысы
* Мындан 128 жыл мурун, 1887-жылы АКШда расмий түрдө Суур күнү белгиленген. Элдик ишенимге ылайык, чээнде жаткан суур бул күнү уясынан чыгып, өзүнүн көлөкөсүн көрүп кайра уясына кире качса, анда кыш туптуура дагы 6 жума бою өз акысын бербейт имиш. Эгер көлөкө жок болсо, анда жаз келип, суур өз ишин башташы керек. Элдик ишенимге ынанган америкалыктар жылдын бул убагында чээнде жаткан суурдун уйкусун бузуп, күчтөп сыртка чыгарууну али да улантып келишет.
* Мындан 63 жыл мурун, 1952-жылы Түштүк Корея Республикасынын 11-президенти Пак Кын Хе Тэгу шаарында төрөлгөн. Пак Кын Хе - 2006-2012-жылдары "Улуу өлкө" партиясынын лидери. Ал 1963-1979-жылдары Кореянын президенти болгон Пак Чон Хинин кызы. Энеси каза болгондон кийин атасынын жанында биринчи лединин милдеттерин аткарып жүргөн. Кореянын президенттигине 2012-жылкы шайлоодо көп пайыз утуш менен келген. Кызматка 2013-жылы киришкен. 
* Мындан 38 жыл мурун, 1977-жылы ырчы, бийчи Шакира Колумбиянын Барранкиль шаарында төрөлгөн. Атасы Уильям Меберак араб улутунан, жазуучу. Ал эми апасы Нидия Риполлинин жердиги колумбиялык. Шакиранын таланты бала кезинен эле байкала баштаган. 1 жаштан өткөндө алфавитти толук билип, 3 жашында китеп окуганды үйрөнгөн. Ал эми 4 жашында мектепке барганга толук даяр болгону менен, жашынын жетпегенине байланыштуу кабыл алынган эмес. Жашы 5ке толгондо ата-энеси атайын адистерди чакыртып сынак алууну өтүнүшкөн. Жүргүзүлгөн сынактын натыйжасында Шакира “вундеркинд” деп табылган. Кичине кезинен сүрөт тартууга, ыр жазууга болгон кызыгуусун байкаган апасы Шакини сүрөтчү же атасынын жолун жолдоп жазуучу болот деп ойлогон. Бирок 1-классынан Шакиранын бийге жөндөмдүүлүгү өзгөчө байкала баштаган. Бардык жергиликтүү бий сынактарынан биринчиликти бербей келген Шакира 8 жашка толгондо анын дагы бир таланты ачылып, ырдап да чыга баштаган.
