КамАЗ менен бара жатышкан. Коргоо министрлиги Баткенге концерт койгону алып бара жатып каза болгон ырчынын артында 3 баласы калды

Буга чейин Бишкек-Ош унаа жолунда унаа оодарылып кетип, Куралдуу күчтөрдүн катарында кызмат өтөп жаткан жоокер каза болгону кабарланган.

Кийинчерек бул жол кырсыгынан Куралдуу күчтөрдүн оркестринде ырдап жүргөн аял каза болгондугу маалым болду. SUPER.KG порталына жол кырсыгынан каза болгон ырчы айым Нурзат Ажыгожоеванын жакын санаалаштары маркумдун артында 3 баласы жана жолдошу калганын билдирди.

"Нурзат эже шайыр, абдан жакшы адам эле. Артында 3 баласы калды. Ал чыгармачылык менен иштеп үй-бүлөсүн багып келген. Куралдуу күчтөрүнүн өкүлдөрү ошончо узак жолго ырчыларды КамАЗ менен жөнөткөнү бизди айран таң кылып жатат. Алар болгондо дагы Баткен облусуна барып жатат. Аларды коопсуз болгон унаага салышы керек эле", - деди ырчынын жакындары.

Бул арада ӨКМнын басма сөз кызматынан окуянын чоо-жайын айтышты.

"Такталган маалымат боюнча, саат 12:30 чамасында Бишкек-Ош унаа жолунун 159-чакырымында КамАЗ-Вахтовка үлгүсүндөгү унаанын айдоочусу рулду башкара албай, унаа жолдон чыгып оодарылып кеткен. Жол кырсыктын кесепетинен А.Н. аттуу аял каза болуп, 5 адам ар кандай жаракаттарды алышкан. Учурда алардын аты-жөндөрү такталууда", - деп жазылат маалыматта.

SUPER.KG порталынын эмгек жамааты Нурзат Ажыгожоеванын дүйнөдөн кайтканына байланыштуу үй-бүлөсүнүн, жакындарынын аза кайгысын тең бөлүшүп, терең кайгыруу менен көңүл айтат.

09:21 30-03-2021

Коргоо министрлигинде ырдаган 3 балалуу аялдын өмүрүн алган жол кырсыгы катталды

Автор: Айсалкын Качкынбекова

Жазылуу

РУБРИКАДАГЫ СОҢКУ КАБАРЛАР

11:58 2024-05-16 | Коом жана турмуш

Депутат окуучуларды массалык иш-чараларга тартуулар көбөйгөнүн айтты 21 0

11:40 2024-05-16 | Саясат

Малайзия Кыргызстан менен банк тармагында кызматташууга кызыкдар 57 0

11:17 2024-05-16 | Коом жана турмуш

"Жылкычы чымчык" тасмасы Ниццадагы фестивалда сыйланды 163 0

11:15 2024-05-16 | Саясат

Өлкөдө уран иштетүүгө уруксат берүү боюнча мыйзам долбоору Жогорку Кеңешке келип түштү 169 0

11:14 2024-05-16 | Коом жана турмуш

Кеминде тургун күйдүргү оорусуна шектелип ооруканага жаткырылды 195 0

11:02 2024-05-16 | Саясат

Депутат борбордогу май куюучу жайларды шаар четине чыгарууну сунуштады (видео) 214 0

Архив

Комментарийлер (3)

Taalaibek.

2021-03-30 11:46:11

Тажырыйбасы жок айдоочулар акча берип жумушка кирип ушундай аквалга келип жатат. Жер-уйдо дагы праваны жаны алган айдоочулар дагы иштеп жатышат. Бул жонундо эч ким билишпейт, билсе да билмексен. Конкурс турундо алынган эмес. Тажырыйбасы жок айдоочулар коп. Муну текшерген окмот да жок.

nurik73

2021-03-30 13:13:56

Ыйманы жолдош болсун. Биздин мамлекетте таптакыр адамдардын коопсуздугу акыркы орунда калды. Элдин кобун шоопурлар эле жок кылып коймой болушту. Шоопурларга мыйзамды кучотуш керек. Кызматкерлерди да жанылап тазалаш керек. Озгочо коргоо министирлигинде моралдык жактан татыксыз адамдар коп. Аскерде кызмат кылып билебиз.

Kurbanaiym

2021-03-31 09:20:52

Кырсык айтып келбейт... Жаткан жери жайлуу болсун

Комментарий калтыруу үчүн өз ысымыңыз менен кириңиз же каттоодон өтүңүз.