Аида Кулуева, ырчы: «САХНАДАН КЕТКЕН 5 ЖЫЛДЫ КЫЗЫМА ЖАНА ЖОЛДОШУМА АРНАДЫМ»

– Аида, кандайсың? Атың угулбай, сахнадан көрүнбөй кеткениңе көп болду. Чыгармачылыктан алысташыңа эмне себеп болду?
– Рахмат, менде баары жакшы. 5 жыл мурун турмушка чыккам. Турмушка чыккандан кийин үйлөнүү той беребиз деп жатып убакыт өтүп кетти. Анан жолдошум экөөбүз Түркияга барып бал айын өткөрүп келдик. Ошентип үй-бүлөлүк жашоо башталып, сахнадан алыстап кеттим.

– Акыркы учурда продюсериң менен таарынышып жүргөнүң эсимде. Балким, ал окуя да түрткү болгондур...
– Жок, эженин эч кандай тиешеси жок. Чын эле ошол учурда катуу чарчап жүргөм. Эч жакка чыкпай үй оокаты менен алпурушкум келип жатканда турмушка чыгып калдым. Ал кезде бир ресторанда ырдачумун, жолдошум ал жерге иштетпей койду. Бирок ыр жаздырып, клип тарттырып чыгармачылыгымды улантышыма каршы болгон жок. Анан кыздуу болдум. Кызымдын жытына тойбой эзилип отура берип арадан беш жыл өтүп кетиптир. Азыр кызым Айлин үчтө.

– Жолдошуң тууралуу айтып берсең, кайдан таанышып калдыңар?
– Ал мени интернет аркылуу таанып, сүрөттөрүмдү карап, жактырып жүрчү экен. Бир жолу кыздар «кечки тамактанууга чогулуп жатабыз, келбейсиңби» деп калышканынан баргам. Ал кечки тамакты атайын мени менен болочок жолдошумду тааныштырыш үчүн уюштурушканын билген эмесмин. Көрсө, жолдошум «тааныштыргыла» деп мен тааныган кыздарды ортого салган экен. Бир көрүп сүйүү дегенди ошондо биринчи жолу башымдан өткөрдүм.

– Кайсы жердин келинисиң?
Кайын журтум Кара-Балтада турушат. Кайненемдин эң жакшы көргөн келинимин. Экөөбүздүн мамилебиз жылуу эмес, ысык. 3 абысыным бар, алар «апа» дешсе, мен «мама » дейм. Кайнатам мен келин болуп баргыча өтүп кетиптир.

– Кайрадан ырчылыкка кайтууңа эмне себеп болду?
– Кызыма алты ай болгондо эле жолдошум «жан, ырда, мен сенин ырдаганыңды уккум келет» деп баштады. «Жок, мен жаңы эле төрөдүм» деп болбой койгом. Билсеңиздер керек, башында ырчылык хоббим эле. Бажы кызматында иштеп, бош убактымда эле ыр жаздырып коюп жүрчүмүн. Убакыттын өтүшү менен жашоодогу ордум чыгармачылыкта экенин түшүндүм. Анын үстүнө кызым бала бакчага бара баштады. Атасы менен кызы күндүз үйдө жок болсо, мен эмне кыларымды билбей бош отуруп калат экенмин. Ошондон улам жаңы эргүү менен кайрадан сахнага кайттым.

– Кенже Дүйшеева менен «Жүрөгүм» деген ырды дуэт аткарып, клип тартыпсыңар. Чогуу ырдоо кимдин идеясы?
– Негизи Кенже эжени башынан эле сыйлайм, жакшы көрөм. Сүйлөшүп калсак, үй-бүлөсүнө, жолдошуна арнап ырдагысы келип жүргөнүн айтып калды. Угуп көрсөм сонун ыр экен. Мен да турмушка чыккандан кийинки биринчи ырымды жолдошума арнайм деп жүргөм. «Эже, чогуу ырдабайлыбы?» деген сунушумду айтсам, «ырдаса ырдайлы, эмнеге болбосун» деп калды. Ошентип дуэт жазылды, клип тартылды.

– «Жолдошум прессага чыккысы келбейт» деп жатасың, клипке тартылганга кантип макул болду?
– Клипке тартылып бер десем, башында каршы чыкты. «Ырдын маанисин айтып, түгөйүм жөнүндөгү ырга сен тартылбаганда ким тартылат?» деп түшүндүрсөм анан макул болду. Жолдошум өзүнүн эле ролун аткарды. Мени келип кучактайт, мени менен сүйлөшүп отурат дегендей. Бирок ошону деле бир нече дубль менен тарттык. Негизи видеого, сүрөткө түшкөндү жаман көрөт.

– Клипти көргөндөн кийин кандай сын-пикир айтты?
– Негизинен ал аз анан саз сүйлөйт. Айткысы келгенин бир сөз менен эле жеткирип коёт. Бул жагынан атам экөөнү окшоштура берем. Жумушу оор, кечинде чарчап келет. Үйгө келгенде такыр унчукпайт, мен да эс алып алсын деп көп сүйлөй бербейм. Клипти унчукпай көрдү да, «жакшы» деп койду.

– Рахмат маегиңе. Чыгармачылык ийгилик!

«Кызым Айлин 3 жашта, бала бакчага бара баштады».


«Клипке тартылууга жолдошумду араң көндүрдүм».


Сүйүн Кулматова
Адилет Бектуров
star@super.kg

 Кыстарылган видео 
Аида Кулуева:"Бир көрүп сүйүп калса болоруна жолдошумду көргөндө ишендим"
"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (22)
patriot-bala
2017-05-22 10:26:05
Кенже Дүйшеева менен дуетин качан угабыз супер-инфо?
+2
admin_superstan
2017-05-22 12:35:50
patriot-bala, саламатсызбы? Сунушуңузду эске алабыз, рахмат.
0
rusana
2017-05-22 12:03:47
ушул кыздын уну сонун да.. завораживает
+4
erkeleim
2017-05-22 17:23:46
Супер инфоле эстеп жазбаса таанылбаган эле ырчы окшойт такыр эстей албадым ыры деле жок окшойт таанылган уй болоону карап отура бер сахнада сенсиз деле тааныбаган врчы коп ото коп
-17
Gukush8993
2017-05-23 09:42:42
erkeleim,озун кимсин артта калган адам окшойсун эч кимди тааныбай тааныбасан жон отуп кете бер адам конулун оорутуш онойбу озун ким экенин билинди
+5
ayjan_90
2017-05-23 00:14:53
Абысындарым апа дешет а мен мама деймин дейт го апа деген жакшыго из тилинде же мен шаардыкмын дегениби
+7
Izdeim_seni.
2017-05-23 18:30:20
Жакшынакай болуп калыптыр. Бактылуу болгула.
+2
voennyi88
2017-05-23 21:22:23
Фамилияныз жагатта. Атактуу фамилиялардан.
+1
wirin
2017-05-23 23:20:58
бактылуу болгула кызы ширингоо
+1
nazgul20
2017-05-24 09:58:45
Ушул эже менен чогу больницада жаттык эле, палатада место жок болуп коридордо жаткан кызы менен. Эн жонокой, учурашып ал жай сурашып эч уялбай эле коридордо жатып лечение алган!
+3
Arisha00008
2017-05-24 13:14:18
Эн жакшы коргон келинимин дейтго.тиги келиндерин жаман коробу.туура эмес абысынкалар окууп калса таарыныщса керек.суйлот деп эле суйлой беришет.бир аз ойлонгулачы шоу бизнестегилер.кайн журтунар озулору жооб беришсинда.а может ичинен жакпайттырсыз.прям такие самоуверенные однако
+1
barakcha
2017-05-24 14:26:28
Аида Кулуева канча жашта?Билгендер айтып койгулачы?Мага ырлары аябай жагат.Уккандан эч тажабайм го...
+1
Drongo
2017-05-24 16:37:34
Уну озгочо,башкаларга окшобойт.Мага абдан жагат ырлары,уккандан тажабайм.Сахнага кайтканына кубанычтамын.
+1
Lunatena
2017-05-25 13:13:17
Улуу урматтуу Супер- Инфо газетасынын жамааты! сураныч! Нена ырчы кызыбыздан да интервью алыныздарчы, жеке жашоосу тууралуу!
0
admin_superstan
2017-05-25 16:41:10
Lunatena, саламатсызбы? Сунушуңузга рахмат, тиешелүү бөлүмгө жеткирилди.
0
romantic.girl
2017-05-27 00:45:32
Супер инфо мурунку интервсун кпйдан окуса болот. Мурда деген бофдокммун дечу. Анан беш жыл деле болбосо керек
0
admin_superstan
2017-05-29 10:13:34
romantic.girl, саламатсызбы? Бул шилтеме аркылуу кирип көрүңүз: https://www.super.kg/article/show/21557
0
Aidani
2017-05-27 22:46:57
Урматтуу админ Бегимай Эсенгулова деген кыз жонундо жазгылачы
-1
admin_superstan
2017-05-29 10:11:25
Aidani, саламатсызбы? Сунушуңузга рахмат, тиешелүү бөлүмгө жеткирилди.
0
Azamatxxxttt
2017-05-29 05:19:20
Орусча суйлошот деп аябай эле мактанып алыптырсызго эжекеси, кыргыз экенин унутканго дейм. Кайра биз оз тилибизде суйлогондор менен сыймыктанабыз. Ырларыныз жакчуу ...
+1
№ 759, 19-25-май, 2017-ж.
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА