реклама
Супер-Инфодо жарнама
SUPER.KG порталында жарнама
Реклама в Супер-Инфо
Реклама на SUPER.KG
реклама
Архив
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
semetei

АРИТМИЯ – ЖҮРӨКТҮН СОГУУ ЫРГАГЫНЫН БУЗУЛУШУ. Эмнеден келип чыгат? Кантип дарылашат?

№787 1-7-декабрь, 2017-ж.



Жүрөктүн согуу ыргагынын бузулушунун себептерин жана аны дарылоо ыкмалары тууралуу Улуттук кардиология жана терапия борборунун Жүрөктүн ритминин бузулушу бөлүмүнүн улуу илимий кызматкери, медицина илимдеринин кандидаты Курбанбек Калысов баяндайт.

СТАТИСТИКА

    • Кыргызстанда жалпы өлүмдүн 52 пайызын жүрөк ооруларынан көз жумуу түзөт.
    • Дүйнөлүк статистика боюнча рак диагнозу коюлган адамдардын 55 пайызы 5 жылдан көп жашайт, ал эми өнөкөт жүрөк алсыздыгы (3-4-стадия) диагнозу коюлгандардын 5 пайызы гана 5 жылдан көп жашайт.


ООРУНУН БЕЛГИЛЕРИ

    • Жүрөк жай, бат-баттан же баш-аламан согот
    • Баш айланат, көз караңгылайт же эси ооп кулайт
    • Демигет
    • Тамагына бир нерсе туруп калгандай болушу мүмкүн
    • Жүрөк токтоп өлүм күтүлүшү ыктымал


ДАРЫЛАБАСА ИНСУЛЬТКА ЖЕТКИРЕТ

Аритмия – бул жүрөктүн согуу ыргагынын бузулушу. Башкача айтканда, жүрөктүн жыйрылып согуусуна жеткирүүчү импульстун пайда болушунун же анын таркашынын бузулуусунан улам жүрөктүн тездеп, жайлап же баш-аламан согуп калуусу. Аритмияда өз убагында текшерилип жана дарыланбаса баш мээнин инсультуна, жүрөктүн өнөкөт алсыздыгына же өлүмгө чалдыгуу толук мүмкүн.
Импульс кайдан жаралат? Жүрөк 4 камерадан, 2 дүлөйчө, 2 карынчадан турат. Оң дүлөйчөдө синус түйүнү жайгашкан. Импульс ошол жерде пайда болуп, атриовентрикулярдык түйүнгө (дүлөйчө менен карынча ортосундагы түйүн) барат. Анан Гис тутамы (пучок) жана анын оң жана сол бутактары аркылуу карынчаларга тарайт. Импульс барып жүрөк булчуңуна жеткенде жүрөк жыйрылат, согот. Жүрөктүн согуусу мүнөтүнө чоң адамдарда 60-100, жаш балдарда 100дөн ашык, ымыркайларда 140-160 болсо калыптагыдай деп саналат.

ИМПУЛЬСТУН ЖАРАЛЫШЫ

  1. Синус түйүнү
  2. Гис тутамы жана анын оң, сол бутактары
  3. Атриовентрикулярдык түйүн (дүлөйчө жана карынча ортосундагы түйүн)





АРИТМИЯНЫН МЕХАНИЗМИ

1-механизми.
Импульстун тез-тезден пайда болуусу карынчанын же дүлөйчөнүн ичинде токтобой айланып калышы тахикардияга алып келет.
2-механизми. Синус түйүнүнүн алсыздыгынан же атриовентрикулярдык түйүндүн (дүлөйчө менен карынча ортосундагы түйүн) же Гис тутамы жана анын оң жана сол бутактарынын оорусуна байланыштуу импульстун карынчага өтпөй калгандыгы брадикардияга алып келет.
3-механизми. Жүрөктүн дүлөйчөсүндө же карынчасында патологиялык импульс пайда кылган жердин (очаг) жаралуусу экстрасистологияга алып келет.


АНГИНА, СТРЕСС, ИЧИМДИКТЕР АРИТМИЯГА ЖЕТКИРЕТ

Дарттын келип чыгышын төмөнкүлөр шарттайт:

    • Инфекциялык оорулар (ангина, грипп) өтүшүп кетип, жүрөккө терс таасир бергенден улам.
    • Тубаса жүрөк оорулар (WPWсиндрому, түйүндүү тахикардия, Бругада синдрому ж.б.).
    • Жүрөктүн клапандарынын ооруларынан да жаралышы мүмкүн.
    • Жүрөктүн ишемиялык оорулары (инфаркт, стенокардия) өмүргө коркунуч туудурган аритмияга алып келүүсү мүмкүн.
    • Стресс, физикалык-эмоционалдык жактан чарчоо.
    • Алкоголдук ичимдиктерди дамамат ичүү (ичимдиктин уулары жүрөктүн булчуңунун иштешине терс таасир этет).
    • Гормоналдык системдин бузулуусу (калкан сымал бездин оорулары).
    • Электролиттик (организмдеги калий, натрий, кальций жана башка) заттардын тең салмагынын бузулушу.
    • Кан басымдын жогорулашы да аритмияга жеткирүүсү мүмкүн.
    • Дары-дармектерди белгиленген өлчөмүнөн (доза) көп ичүү.


ДАРТТЫН ТҮРЛӨРҮ

1. Брадикардия
– жүрөктүн жай согушу (чоң адамдарда күндүзү мүнөтүнө 60тан аз). Жүрөк жай согуп калат, эгер синустук түйүн импульсту жайдан чыгарып калса, импульс курчалып калса (блокада, импульс жүрөктүн карынчасына жетпей калат).

2. Тахикардия – жүрөктүн бат-баттан согушу (мүнөтүнө 100 жана андан ашык). Жүрөк дүлөйчөсүнүн жана жүрөк карынчасынын тахикардиясы болот.

3. Пароксизмалдуу тахикардия – жүрөк бир учурда себепсиз эле тездеп кагып (мүнөтүнө 180-220 ирет ) жана бир учурда токтоп калат. Бул дарт радиожыштыктуу аблация ыкмасы менен толук айыгат.

4. Мерцателдик аритмия. Мында жүрөк бирде брадикардия, бирде тахикардиядай болуп согот. Бул 2 суткадан ашык созулса инсультка алып келүүсү ыктымал. Андыктан токтоосуз дароо канды суюлтуучу дарыларды ичүү, врачка барып текшерилүү, дарылануу зарыл (инсульттун алдын алуу үчүн).

ДИАГНОЗ КОЮУ

    • Электрокардиография (ЭКГ)
    • Суткалык ЭКГ
    • Кызыл өңгөч аркылуу стимулдоо
    • Электрдик-физиологиялык изилдөө
    • Тери астына кадалуучу монитор (3 жыл жүрөктүн согушун текшерип турат, аритмия болгон учурда гана автоматтык түрдө жазат)


ДАРЫЛОО ЫКМАЛАРЫ

1. Дары-дармек менен.
2. Операция жолу менен.

а) Радиожыштыктуу аблация ( радиочастотная аблация, РЧА). Бул ыкма бардык тахикардияларда колдонулат жана 100 пайыз жыйынтыкка ээ болуп, аритмиядан кутулууга болот. Ыкмада жоон сандын тамыры аркылуу электрод жүрөккө киргизилет. Операция 30 мүнөттөн 2 саатка чейин созулат. Ооруну сездирбөөчү дары сайылат. Жалпы наркоз берилбейт. Операциядан кийин 2 күндө үйүнө чыгарылат. Аритмияга каршы дары ичүүдөн биротоло кутулат.
б) Көкүрөктү ачып, аритмия булагын жок кылуу боюнча операция. Бул ыкма Кыргызстанда жок.

3. Электрокардиостимулятор (ЭКС, имплантация) тагуу. Жүрөк жайдан кагып калган учурда тагылат. Аппарат жүрөктүн булчуңун активдештирүү үчүн импульстарды иштеп чыгарып, жүрөктүн калыптагыдай согуусун шарттайт. Акырек сөөктүн асты 3-4 сантиметр кесилип, чөнтөкчө жасалат да ал жерге ЭКС аппараты орнотулат. ЭКСтен чыккан электрод вена кан тамыры аркылуу жүрөктүн ичине жеткизилет. 10-15 жылда бир алмаштырылат (батареясы түгөнгөндө). ЭКС адамды майыптыкка алып келбейт. Электр аппараттарын колдонууга толук болот.

4. Кардиовертер – дефибриллятор. Жүрөктү өлүмгө алып келүүчү аритмия пайда болгондо электр разрядын берип, жүрөктү кайра жандандыруучу аппарат. Тагуу, колдонуу мөөнөтү жогоркудай эле.


АРИТМИЯНЫН АЛДЫН АЛУУ

• Адам тамырын кармап жүрөгүнүн согуу ылдамдыгын текшерип турушу зарыл. Жүрөк калыптагыдай какпаганы билинсе, кардиологго текшерилип, дарылануу зарыл.
• Сергек жашоо образын кармануу сунушталат.
• Психикалык-физикалык жактан чарчоодон алыс болуу керек.
• Дары-дармектерди дозасынан ашыкча ичпөө кажет.

Канымжан Усупбекова
densooluk@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(5)
05.12.2017. 23:37 
Тайпасы:
Конок
Комментарийлердин саны:
7
Катталган:
19-10-2017
Соӊку аракети:
14-12-2017 22:37
Жынысы:
Белгисиз
Калаасы:
Бишкек шаары
+3
Жакшы кенештер экен Рахмат супер инфо
08.12.2017. 13:52 
Тайпасы:
Жаран
Комментарийлердин саны:
9
Катталган:
13-04-2015
Соӊку аракети:
13-12-2017 21:45
Жынысы:
Белгисиз
+2
Саламатсыздарбы! Гепатит С тууралуу маалымат берсениздер. Алдын ала рахмат!
13.12.2017. 11:35 
Тайпасы:
Супермодератор
Комментарийлердин саны:
7251
Катталган:
22-02-2011
Соӊку аракети:
14-12-2017 22:04
Жынысы:
Белгисиз
Калаасы:
...
0
diana_9393,
Саламатсызбы! Шилтеме: https://www.super.kg/article/show/5301
11.12.2017. 22:11 
Тайпасы:
Жаран
Комментарийлердин саны:
11
Катталган:
13-06-2017
Соӊку аракети:
14-12-2017 20:29
Жынысы:
Белгисиз
0
Саламатсыздарбы суроого жооп алуу учун кантип байланышсак болот?Жакшы кенештер учун рахмат.
12.12.2017. 09:43 
Тайпасы:
Супермодератор
Комментарийлердин саны:
7251
Катталган:
22-02-2011
Соӊку аракети:
14-12-2017 22:04
Жынысы:
Белгисиз
Калаасы:
...
0
Babon,
Саламатсызбы! Ушул densooluk@super.kg дарекке кат жазып калтырыңыз.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макалага кирди:

Макалалардын саны:
19955;
 
Маалымат-маанайшат порталы
2006-2017 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: