Бишкекте бир катар кафелердин санитардык эрежелерди сактабаганы аныкталып, протокол түзүлдү

Бишкекте бир катар кафелердин санитардык эрежелерди сактабаганы аныкталып, протокол түзүлдү. Эреже бузган коомдук тамактануучу жайлардын жана дүкөндөрдүн катарына “Умар” дүкөнү, “Арабия”, “Бай-Суу” кафелери кирет.

Бишкек шаардык мэриясы кабарлагандай, жогоруда аталган жайлардын кызматкерлери таштандыларды аялдаманын тегерек-четине коюп келишкен. Жыйынтыгында Санитардык-экологиялык инспекциясы аталган жайлардын ээлерине Административдик жоопкерчилик кодексинин 489-беренесине ылайык протокол түзүп, материалдарды Биринчи Май райондук административдик комиссиясына жөнөтүштү.

Автор: Максат Кудайбердиев
Фото: Мэриянын басма сөз кызматы