Нарын жана Жалал-Абад шаарларында Мамлекеттик туу күнү белгиленди (фото)

Иш-чарага калаа башчысы Рахат Адиев, мэриянын өкүлдөрү катышып, тургундарды куттуктап өтүштү.

Иш-чара жергиликтүү артисттердин чакан концерттик программасы менен жыйынтыкталды.

Мамлекеттик желек күнү салтанаттуу белгиленди.

Нарын шаары.

Мамлекеттик туу күнү Жалал-Абад шаарынын “Эркиндик” аянтында салтанаттуу белгиленди.

Бүгүн, 3-мартта Нарын шаарында Кыргыз Республикасынын Мамлекеттик туу күнү салтанаттуу белгиленди. Бул тууралуу Нарын шаарынын тургуну Нургүл Курманалиева SUPER.KG порталына билдирди.

Маалым болгондой, иш-чарага калаа башчысы Рахат Адиев, мэриянын өкүлдөрү катышып, тургундарды куттуктап өтүштү.

Иш-чарада ак калпакчан мырзалар байракты көтөрүп алышып жөө жүрүшкө чыгышты. Алар патриоттук ырлар жаңырган шаардын борбордук аянтына келишип, тууну желбиретишти. Иш-чара жергиликтүү артисттердин чакан концерттик программасы менен жыйынтыкталды.

Ошондой эле Кыргыз Республикасынын Мамлекеттик туу күнү Жалал-Абад шаарынын “Эркиндик” аянтында салтанаттуу белгиленди. Жалал-Абад шаарынын мэриясынан билдиришкендей, иш-чарада жогорку жана орто окуу жайларынын студенттери ак калпак кийип, тууну бийик көтөрүп жөө жүрүшкө чыгышты. Туурасы 3 метр, узундугу 6 метр болгон мамлекеттик туу алмаштырылып, шаардын борбордук аянтында желбиреди. Салтанатка шаар аймагындагы мекеме-ишканалардын жетекчилери, күч органдары катышышты.

“Жаштарыбыз намыстуу болсо, дайыма кыргыздын атын чыгарып, маданият, спорт жаатында эле эмес, бардык тармактарда жетишкендиктер көп болгондо кыргыздын туусу көтөрүлүп, ийгиликтерге үндөйт”,- деп билдирди өз сөзүндө вице-мэр Таирбек Чойбеков.

Автор: Динара Абдыкадырова