Борбор калаада шаар ичин тазалоо жана жашылдандыруу иштери жүрүүдө

Бишкекте көчөлөрдү тазалоо жана жашылдандыруу иштери жүрүүдө. Бул тууралуу бүгүн, 3-мартта шаардык мэрия билдирди. Маалыматка ылайык, "Тазалык" ишканасынын кызматкерлери ирригациялык түйүндөрдү кум жана ылайдан тазалоо иштерин жүргүзүп жатышат. Ошондой эле аталган кызматтын кызматкерлери жол жээгин тазалап, куураган бак-дарактарды кыркуу менен алектенишүүдө. Бөкөнбаев жана Токтогул көчөлөрүндө жаңы көчөттөрдү отургузуу иштери аткарылууда.

Айта кетсек, быйыл көчөлөрдү тазалоо иштери 23-февралдан тарта башталды.

Автор: Мальвина Уметбекова