Ошту көрктөндүрүү иштери башталды

Ош шаарындагы көп кабаттуу үйлөрдүн айланасына “Таза короо” долбоорунун алкагында көчөт отургузуу иши башталды. Иш-чарага мэриянын кызматкерлери, шаар тургундары, уюштуруучулар катышып жатат. Көчөт отургузуудан сырткары аталган долбоордун иши, анын элге тийгизген пайдасы тууралуу түшүндүрүү иштери жүргүзүлөт.

“Таза короо” долбоорунун негизинде Оштогу көп кабаттуу үйлөрдүн айланасы, ичи тазаланып, көрктөндүрүү иштери аткарылат. Демилгени Ош шаарынын мэриясы “БлиссБилд” ишканасы менен биргеликте ишке ашырып жатат",- деп билдирет мэриянын басма сөз кызматы.

Бүгүнкү күндө Оштогу Көрктөндүрүү жана жашылдандыруу чарба комбинаты кызыл карагай жана Тянь-Шань карагайларынын көчөттөрүн шаардын негизги эс алуу борборлоруна отургузуу иштерин улантууда.

Автор: Айпери Ганыжан кызы