Чолпон Султанбекова: "Республика" фракциясы коалициялык көпчүлүккө кошулат" деген сөз жалган"

"Жогорку Кеңештеги “Республика” фракциясы коалициялык көпчүлүккө кошулат" деген сөз жалган". Мындай пикирди 28-апрелде SUPER.KG порталына депутат, фракция лидеринин орун басары Чолпон Султанбекова билдирди. Анын айтымында, фракция коалициялык көпчүлүккө кирүү жөнүндө эч кандай чечим кабыл алган эмес. "Фракцияда бул тууралуу чечим кабыл алынган эмес, жадакалса сөз да болгон эмес",- деди Султанбекова.

Айта кетсек, буга чейин фракциянын айрым мүчөлөрү маалымат булактарына: "Эгерде азыркы коалиция тарап кетсе, биздин фракция кийинки коалициялык көпчүлүккө кирүүгө даяр. Бул тууралуу маселени фракция талкуулап, бир чечимге келдик",- деп билдиришти.

Автор: Жамалидин Парманкулов