Бүгүн Дүйшөмбү шаарында суу маселесине арналган жыйын өтүп жатат

Бүгүн, 9-июнда Тажикстандын борбору Дүйшөмбү шаарында "Жашоо үчүн суу” аталышындагы эл аралык долбоордун 10 жылдыгына арналган жогорку деңгээлдеги конференция өтүп жатат. Ага кыргыз мамлекетинин атынан өкмөт башчы Темир Сариев катышууда. Ошондой эле жыйынга бир нече эл аралык уюмдардын өкүлдөрү жана Бириккен Улуттар Уюмунун Башкы катчысы Пан Ги Мун катышууда.

Анда таза суу маселесинин айланасындагы көйгөйлөр талкууга алынмакчы. Ошондой эле суу ресурстарын башкаруу чаралары да каралат.

Автор: Жамалидин Парманкулов