"Көпөлөк" тасмасынан тагдырына таарынып, жашоодо жаңылган кыздын сүйүүсүн жана күйүтүн көрүүгө болот (фото)

Малика Абдразакова менен Нурлан Акматбеков.

Бишкекте "Көпөлөк" аттуу тасманын бет ачары өттү. Тасманын режиссёру Сүйүн Откеев: “Акыркы убакта фильмдин аталышы боюнча көп суроолорду берип жатышат. Тасма кызыгуу жаратыш үчүн ага туура аталыш тандоо дагы маанилүү. Аталышын тазалык, назиктиктин символу катары "Көпөлөк" деп койдук. Коомчулукта "көпөлөк" деген сөзгө байланыштуу жаман пикир калыптанып калыптыр, балким, биздин тасмадан кийин көпчүлүктүн көз карашы өзгөрөр”,- деди.

Фильм драматург Керез Зарлыкованын чыгармасынын негизинде тартылган. Тартуучу топ менен иштешүү жагымдуу көз ирмемдерди тартуулаганын белгилеп: “Чыгарманын аталышы “Конгон көпөлөк” эле. Бул боюнча Кыргыз драма театрынын артисттери спектакль коюп, бир топ ийгиликтерди жаратышкан”,- дейт Керез Зарлыкова.

Башкы каармандардын ролун жараткан Малика Абдразакова менен тасмада анын жолдошунун ролун аткарган Нурлан Акматбеков кастинг аркылуу тандалышкан.

Жашоодо туура эмес жолду тандап, түрдүү сыноолорго туш болгон кыздын образын ачып берген Малика быйыл мектепти бүтүргөн. Учурда актрисалык жолду тандап, жогорку билим алып жатат. “Кино тартылып, бет ачары бүткөндөн кийинки нес абалдан чыга элекмин. Туугандарым колдоп жатышты”,- деп толкунданып жатканын жашырган жок.
Тасмадагы Айтолкундун эжеси Сонунбүбүнүн ролун актриса Альбина Имашова жараткан. Терс каармандын ролун ойноого ага Керез Зарлыкова сунуштаганын айтат. Ал эми Айтолкунду сүйүп калган үй-бүлөлүү ишкердин ролун Азиз Мурадиллаев жараткан.

Тасмадагы Айтолкун кичине кезинде ата-энесинен ажырап, жаштыгын кайдыгерлик менен өткөрөт. Айрым адамдардын мамилесинен жапа чегип, таарынычын айланасындагы адамдардан чыгарат. Бир күнү балалык сүйүүсү Эрланга кезигип, жашоого болгон мамилеси өзгөрөт. Бирок Айтолкундун мурдагы каталары аны оңой менен коё бербейт. Чыныгы маселе мына ошондо башталат. Айтолкун бактылуу өмүр сүрүү үчүн кандай жолду басып өткөнүн тасмадан көрүүгө болот.

Тагдыры оор кыздын жашоосу чагылдырылган "Көпөлөк" тасмасы

Автор: Айпери Ганыжан кызы
Фото: Айпери Ганыжан кызы

22:55 26-11-2015

Жазылуу

РУБРИКАДАГЫ СОҢКУ КАБАРЛАР

15:56 2025-05-10 | Кылмыштар, кырсыктар

Блогер Айтилек Орозбеков үй камагына чыгарылды 216 0

15:20 2025-05-10 | Маданият, шоу-бизнес

Бишкекке келген ырчы Амирчик жаанга карабай борбордук аянтта күйөрмандарын сүйүндүрдү (видео) 550 0

15:05 2025-05-10 | Коом жана турмуш

Ошто жеке тараптан мамлекетке кайтарылган имартка мектеп курулат (видео) 291 0

14:24 2025-05-10 | Спорт

Ирандагы мелдеште кыргыз балбаны Бекзат Алмаз уулу алтын тагынды (видео) 418 0

13:40 2025-05-10 | Коом жана турмуш

Бишкекте жер алдынан өтүүчү өтмөктүн курулушу башталды. Кайсы көчө жабылды? (видео) 724 0

13:00 2025-05-10 | Коом жана турмуш

Жалал-Абад шаарына курулуучу аэропорттун долбоору жарыяланды 987 0

Архив

Комментарийлер (6)

Neizvestno777

2015-11-27 00:00:54

Ошондо "Тунку кополокбу")))

-5

Dadasdasd

2015-11-27 07:32:28

Neizvestno777,ошону айтып жатпайбы (тунку кополок ) кополок деген атты булгаптыр. Биздин кополок ал атты тазартат деп жатат. Демек тасмада сойку эмес бирок назик кыздын тагдыры чагылдырылган.

altunai.79

2015-11-27 05:25:32

Урматтуу Супер Инфо биринчи беттеги аба ырайы менен акчанын курсу жазылган графаны кайда жок кылдынар? Ордуна койуп койгулачы сураныч.

aiturgasha

2015-11-27 08:11:12

altunai.79, ошодаа. озубуздун нигибизди да алып салыпсынарго ошол катардан супер инфо? мурдагы жайына койгулачы

Aiko_92_29_08

2015-11-27 09:06:01

altunai.79, ооба менда ошону тапбай жатбаймбы

admin_portal

2015-11-27 11:58:58

altunai.79, Aiko_92_29_08, aiturgasha, саламатсыздарбы!
Учурда баары өз ордуларында.

Комментарий калтыруу үчүн өз ысымыңыз менен кириңиз же каттоодон өтүңүз.

"Көпөлөк" тасмасынан тагдырына таарынып, жашоодо жаңылган кыздын сүйүүсүн жана күйүтүн көрүүгө болот (фото)

Тагдыры оор кыздын жашоосу чагылдырылган &quot;Көпөлөк&quot; тасмасы

РУБРИКАДАГЫ СОҢКУ КАБАРЛАР

Тагдыры оор кыздын жашоосу чагылдырылган "Көпөлөк" тасмасы