Бишкекте корей элинин маданияты тартууланып, андан чогулган каражаттар аутизм менен ооруган балдарга жардам катары жөнөтүлөт

Бүгүн, 18-февралда Бишкекте А.Малдыбаев атындагы Кыргыз улуттук опера жана балет театрында корей элинин маданияты тартууланат. Бул тууралуу Маданият, маалымат жана туризм министрлигинин басма сөз кызматынан билдиришти.

Маалым болгондой, Түштүк Кореянын Хвасан шаарынан жана Кёнгидо провинциясынан келген артисттер көрүүчүлөргө корей элинин улуттук бийлерин, ырларын жана музыкасын тартуулашат. Иш-чарадан чогулган каражаттар кыргыз жергесинде аутизм менен ооруган балдарга жардам катары берилет.

Автор: Наргиза Бекжанова
Фото: Интернеттен алынды