"Азия MIX" командасы 11-мартта Москвада өтүүчү Жогорку Лигада оюн көргөзөт

"Азия Микс" командасы

"Азия Микс" командасынын оюнчусу Бактияр Касымалиев

"Азия Микс" командасы бул жылы да КВНдин Жогорку Лигасына катышат. Оюн 11-мартта Москванын Борбордук академиялык театрында орун алат. Бул тууралуу Орусиядагы Кыргыз жаштар биримдигинин төрагасы Исламбек Жанболотов SUPER.KG порталына билдирди.

"Учурда команда Москвага келген. Оюнга даярдык иштерин көрүп жатат. Биздин биримдик "Азия Микс" командасына колдоо көрсөтүү менен бирге билеттерди таратуу жана күйөрмандарды табуу менен алектенет, себеби залда команданы колдоп турган күйөрмандар тобу бир топ мааниге ээ",- деди Жанболотов.

Ал эми "Азия Микс" командасынын оюнчусу, шамандын образын жаратып күлкү тартуулап келе жаткан Бактияр Касымалиев төмөнкүлөргө токтолду: "Оюнга кызуу даярдык жүрүп жатат, андыктан бош убакыт жок. Күн сайын, мына үч күндөн бери оюнубузду редакторлорго көрсөтүп жатабыз. Эртең чечүүчү күн, себеби оюнубузду Александр Масляковго көрсөтөбүз. Ал эмне деп айтса, андан кийинки кадамдарыбыз белгилүү болот".

Эске салсак, өткөн жылы “Азия Микс” командасы КВНдин Эл аралык Жогорку Лига союзунун финалына чыга албай калган. Маалым болгондой, 2015-жылдын 7-ноябрында Москва мэринин кубогунда командалар "Саламдашуу", "Капитандар сынагы" жана музыкалык номер боюнча өнөр көрсөтүшкөн. Бишкектик курама “Саламдашуу” сынагында лидерлик орунда болгон, бирок кийинки сынактарда артка кеткен. Жыйынтыгында Москва мэринин кубогун жана финалга жолдомону Дагестан курамасы (Махачкала, Дагестан) жеңсе, экинчи орунду казакстандык "Спарта", ал эми үчүнчү орунду "Азия Микс" алган.

Автор: Турсунай Алымкулова
Фото: Интернеттен алынды

17:56 07-03-2016

Жазылуу

РУБРИКАДАГЫ СОҢКУ КАБАРЛАР

18:34 2025-05-10 | Саясат

Бишкектеги мектептердин бири казак президентинин атасынын наамын алды 136 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 160 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 697 0

17:01 2025-05-10 | Коом жана турмуш

Кыргызстандын Улуттук гвардиясы Минсктеги парадга да катышты (видео) 545 0

15:56 2025-05-10 | Кылмыштар, кырсыктар

Блогер Айтилек Орозбеков үй камагына чыгарылды 523 0

15:20 2025-05-10 | Маданият, шоу-бизнес

Бишкекке келген ырчы Амирчик жаанга карабай борбордук аянтта күйөрмандарын сүйүндүрдү (видео) 1121 0

Архив

Комментарийлер (5)

kama_future_millioner

2016-03-07 18:27:47

Ийгилик жигиттер

KaiMak

2016-03-07 19:13:16

Ийгилик !!!

-1

guljigitt

2016-03-07 20:15:34

Барып дагы кыргызстанды шылдындап келишетта

-2

Nurdaulet

2016-03-07 23:44:30

булар кыргызчаны билбегендер топтолуп алып кыргызстанды шылдындашат озбектердин музыкасы топусу чапаны менен чыгышат, а кыргыздардын калпагын бир дагы кийип коюшпайт! озбек тажиктерди мактап кыргыздарды шылдындап чыкпай эле койгулачы сураныч

FSB

2016-03-08 01:47:20

Sitora :"Ozbekstandyn atynan chygyam" degende, oozum Tashkentti karagan."Asia -Mix"Oz-dyn komandasyby?! Kenensarov da Farmonovanyn bergen maegine ech nerse degen jok.Demek bul komanda KGge gana tiesheluu emes eken da.Maga emi chyn jurokton bary bir!!!

Комментарий калтыруу үчүн өз ысымыңыз менен кириңиз же каттоодон өтүңүз.