Эки бутун үшүккө алдырып кестирген Элмиранын үйүндө шарт оор

Эки бутунан айрылган Элмира

Элмира жана анын бир туугандары турган үй начар абалда.

Кошуналар чогулуп жардам берип жатышат.

Үйдүн абалы начар болгондуктан, Элмираны үйгө чыгаруу мүмкүн эмес.

Элмира жана анын бир туугандары турган үй начар абалда.

Кошуналар жардам беришүүдө.

Буттарын суукка алдырган Элмира Гимазитдинованын эки буту 2016-жылдын
25-февралында ампутацияланган. Элмираны Чыгыш-5 кичи районунун аймактык тескөөчүсү, кенже лейтенант Бобиржан Машрабаев жана райондун тургуну (аты-жөнүн жашыруун бойдон калтырууну суранды) 23-февралда көчөдөн оор абалда табышып, "Тез жардам" кызматы менен Мамбет Мамакеев атындагы Улуттук хирургия борборуна алып келишкен. Элмира кечээ, 9-мартта Ош шаарына учуп кеткенин SUPER.KG порталына Элмираны тапкан бишкектик тургун билдирди.

Анын айтымында, Элмираны борбордогу ашканалардын бирине жумушка алышкан. Ал жакта иштеп жүрүп 2015-жылы болжол менен февраль айында жоголуп кетип, бир жыл өткөндө бутун суукка алдырган абалда табылды. Бир жыл бою Элмира каякта жана кимдин колунда болгону белгисиз бойдон калууда. Элмиранын өзүнөн сурашканда, бул суроого жооп бергиси келген эмес.

"Биз таап алып ооруканага алып бардык. Бир аздан кийин Бобиржан телефон чалып "Эже, дарыгерлер Элмиранын бутун кеспесе болбой турганын айтышты. Кестирбей алып калалы, дары-дармегин алып береличи" деди. Доктурларга барсак, ампутациядан бөлөк эч нерсе жардам бербесин түшүндүрүштү. Элмиранын абалы өтө оор. Кыздын гемоглобини 58 болчу, витаминдердин жардамы менен 78ге чыкты. Буттары ампутацияланып жатса, эси ооп сүйлөгүсү келбейт да. Бир аздан кийин депрессияга түшүп өз өмүрүнө кол салышы ыктымал, андыктан ал бирөөнүн көзөмөлүндө болуусу зарыл. Кечээ "Манас" аэропортуна чейин менчик "Тез жардам" менен жеткирдик. Оштогу үйүнүн абалы начар дешкенинен Ош шаардык ооруканасына жеткирилди",- дейт тургун.

Элмира Гимазитдинованын Ош шаарындагы коңшусу Дамира Козубаеванын айтымында, бул үй-бүлөдө төрт бир тууган бар. Эжеси менен агасы психикалык жактан жабыркап калышкан. 1993-жылкы иниси базарда араба түртүп иштейт. Алардын үйү эң үстүнкү кабатта жайгашкандыктан, жамгыр жааганда суу агып, үйдүн абалы начар абалга келгени айтылды.

"Кошуналардан биз менен гана катташышат. Башка эч кимге эшик ачышпайт. Эч кимиси окууну аяктаган жок. Эжеси ооруса да, соода кылып бир аз каражат табууга аракет кылат. Элмира 3-4 жыл мурун ооруп, түнт болуп калды. Анда да дарылоо курсун аягына чыгарган жок. Бишкекке кетип калганына бир жылдан ашты. Кечээ Элмираны келет дешкенде, жолдошум экөөбүз үйүнө кирсек, үйдүн абалы өтө оор экен. Элмираны бул жакка алып келишсе, абалы ого бетер начарлап кетпейби деп, ооруканага алып бардырганбыз",- дейт Козубаева.

Ошондой эле кошуналары аталган үй-бүлөгө жардам берип жатышканын жана Элмираны ооруканага барып көрүп жатышканын кошумчалады.

Автор: Үмүт Абдраимова
Фото: Дамира Козубаева

18:25 10-03-2016

Жазылуу

РУБРИКАДАГЫ СОҢКУ КАБАРЛАР

08:52 2025-05-14 | Коом жана турмуш

Чүйдө автоээнбаштык жасаган айдоочу айыпка жыгылды (видео) 59 0

08:38 2025-05-14 | Коом жана турмуш

Саламаттык сактоо министрлиги Бишкектеги медкызматкерлерге кайрылды 200 0

08:26 2025-05-14 | Коом жана турмуш

Бүгүнкү күнгө карата аба ырайы 141 0

08:20 2025-05-14 | Коом жана турмуш

Америкада кыргыз тилин үйрөткөн Уларбек агай: "Чет элдик студенттер тилди бат эле үйрөнүштү" (маек) 714 0

08:17 2025-05-14 | Коом жана турмуш

Кыргызстанда доллар менен евронун наркы 205 0

00:39 2025-05-14 | Түркүн дүйнө

Палестина калыбына келүү үчүн 15 жыл керек 875 0

Архив

Комментарийлер (17)

lolo.1

2016-03-10 19:04:52

Кааап ото эле аянычтуу го(((

+10

STAN_KG

2016-03-10 23:14:29

lolo.1, Ооба! Бишкек шаарындагы Чыгыш-5 кичи районунун аймактык тескөөчүсү, кенже лейтенант Бобиржан Машрабаев менен бул кызды ооруканага жеткирген Бишкек шаарынын жашоочусу жана Ош шаарындагы коңшусу Дамира Козубаеваларга чоң рахмат! Адамдык бийик сапатыңыздар үчүн! Алла таала сиздерге да жакшылыктарды буюрган болсун жана бактылуу болуңуздар!

+10

altyn2015

2016-03-10 19:14:08

Кошуналарына рахмат! Карап олтурбай, жардам беришип.

+12

STAN_KG

2016-03-10 23:10:10

altyn2015, Ушундай учурлар адамдын ким экенин көрсөтөт! адамдык сапатты кармап, жардам берүүнү чечкендерге жаратуучубуз жардам берген болсун!

Arslan12

2016-03-10 19:16:50

Менин да боорум ооруп кетти, акча болсо жардам кылсак кана!!!

Arlenchik

2016-03-10 19:40:34

Кыйын эле болуптур мындан наркы жашоосу жакшы болуп кетсе экен.

Bek94

2016-03-10 20:00:01

Жүрөгүм ооруп кетти

Aidai5555

2016-03-10 21:12:27

Элмира тикмечи болуп кирсе жакшы болмок экен, билишимче, кээ бир ишканалар тикмечилерди жатакана менен камсыз кылат го... Кап, ага айтып койгон бирөө болбой калды го, жок дегенде жылуу, баш калкалаган жери болот эле...

Maks_shop

2016-03-10 21:46:51

Мамлекет жардам бериш керек ушундай убактытта! должен

Boldukan86

2016-03-10 22:05:53

мамлекет жардам берсин козомолго алсын. кошуналарына рахмат

huriza

2016-03-10 22:10:04

Ai baikuw kyz jaman ele boluptur,kowunalaryna 4oon rahmat.

mirbek2211

2016-03-10 22:47:02

Кошуналарына, врачтарга, көчөдөн таап ооруканага жеткиргендерге баарына рахмат. Өтө аянычтуу. Жакшы болуп кетсин кийинки жашоосу

Mahabbat

2016-03-11 08:10:01

Колдон келсе жардам берсек кана. Менин да колумдан келбейтта

Izdeim_seni.

2016-03-11 13:20:26

Ооруга айда жок экен да. Эле эле кыйын болду бул заманда

Svoboda83

2016-03-11 15:12:33

Аткаминерлер ушундай адамдарга жардам берип койсонор соопта болмок озунорду эле ойлой бербей силерди ушул адамдар ишенип шайладыго окуп жатып козумо жаш келип кетти!!! Элмира ден-соолукта бол омурун узун болсун Аллахым озу сактасын

Shaa-82

2016-03-11 16:10:52

Башка тууган уруктары жок бекен? Ошто кайсыл болницада болду экен?

madin_

2016-03-12 23:44:04

бечера кызга боорум ооруп кетти.

Комментарий калтыруу үчүн өз ысымыңыз менен кириңиз же каттоодон өтүңүз.