"Супер сулуу-2013" сынагынын жеңүүчүсү Орункүл Шабралиева сулуулар сынагын уюштуруп, өлкө сулуулары аныкталды (фоторепортаж)

“Кичинекей сулуу-2016” наамын алган Алтынай Жанатова

“Кичинекей мырза-2016” наамын Мигиель Аманов алды

Борбор калаадагы Улуттук филармонияда кечээ, 30-мартта "Супер-Инфо" гезитинин “Супер сулуу-2013” сынагынын жеңүүчүсү Орункүл Шабралиева “Кичи мырза-2016”, “Кичи сулуу-2016” категориялары боюнча жана “Аалам сулуусу Кыргызстан-2016” сынагын уюштурду. Кичинекей балдар-кыздар арасында сулуулук сынагына 20 катышуучу чыгып, өздөрүн эл алдында көрсөтүштү. Ал эми чоңдор арасында 27 бийкеч өзүн тааныштырып, сахнада басып, бирге бийлеп жана кече жана улуттук кийим менен чыгып калыстар тобунан тиешелүү бааларды алышты. Калыстар тобунун курамына кыргыз шоу-бизнесинин белгилүү ырчылары, дизайнерлери, визажисттери жана иш-чаранын өнөктөштөрүнүн өкүлдөрү киришти.

Сынактын жыйынтыгы менен “Кичи мырза-2016” наамын Мигиель Аманов алды.

5 жаштан 8 жашка чейинки курактагы сулуулар арасында “Кичи сулуу-2016” наамында жеңүүчү Алтынай Жанатова болду. Ал эми 9 жаштан 14 жашка чейинки курактагы кыздар арасында Кира Жалалдинова аталган наамды багындырды.

Селкилер арасында 4 номинация боюнча таажы кийгизилди. “Кыргызстан фотомодели-2016” наамын Нуризат Алтынбекова, “Кыргызстан топ модели-2016” наамын Зоя Лаптева, “Аалам ханышасы Кыргызстан-2016” наамын Нурсулуу Карыбекова жана “Кыргызстандын 7 дубанынын сулуусу-2016” наамын Сайкал Сураппаева алды.

Таажы кийген сулуулар быйыл Кытай, Вьетнам жана Түркияда май, сентябрь жана октябрь айларында өтө турган "Дүйнө сулуусу" сынактарына катышат.

Кошумчалай кетсек, сынактын уюштуруучусу Орункүл Шабралиева 2013-жылы “Супер-Инфо” гезити уюштурган “Супер сулуу-2013” сынагында жеңүүчү аталган. Бул сынак 2 жылдык тыныгуудан кийин кайрадан уюштурулуп жатканын билдиребиз. Кыштын ызгаардуу күндөрүндө экзотикалуу Бали аралына барып эстен кеткис күндөрдү өткөрүүнү каалаган сулуулар үчүн эшик ачык.

Автор: Наргиза Бекжанова
Фото: Наргиза Бекжанова

11:28 31-03-2016

Жазылуу

РУБРИКАДАГЫ СОҢКУ КАБАРЛАР

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 225 0

19:14 2025-05-10 | Түркүн дүйнө

Трмап Индия менен Пакистан ок атышууларын токтотконун жарыялады 610 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 630 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 381 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 1436 0

17:01 2025-05-10 | Коом жана турмуш

Кыргызстандын Улуттук гвардиясы Минсктеги парадга да катышты (видео) 820 0

Архив

Комментарийлер (3)

AinagulAliaskarova

2016-03-31 11:49:38

туура эмес болуп калды! себеби, сулуулар баары турушканда, жюри чечим чыгарганы кеткенде 1чи жана 2чи орунду алган кыздарды за кулисами чакырып кетишип копто келишти, жана башкалардын апалары коруучу болуп отурганда алардын апалары да за кулисами журушту.

Asyl.jazi

2016-03-31 12:06:51

Мигиель аты башкача го, деги кыргызбы

lolo.1

2016-03-31 14:25:12

Кичинекей балдар менен кыздарга убара болбой эле койбоптурда уюштуруучу. Бала бакчада же мектепте мин ирет кайталап уйротосун жанында туруп алып бийлеп ырдап жатып анан филормонияда не болду десен

Комментарий калтыруу үчүн өз ысымыңыз менен кириңиз же каттоодон өтүңүз.